Wi snackt platt

Hanserouten, Santiano un Tante Emma

Sonntag, 30. Januar 2022, 08:30 bis 09:00 Uhr

Das Bild zeigt das Inventar eines Retro-Tante Emma Ladens. © NDR Foto: Hedwig Ahrens
Die Band Santiano. © NDR/semmel concerts
"Op dat Leven!": De Band Santiano is düt Johr Botschafter vun uns platdüütsche Schrievakschoon "Vertell doch mal". Bi "Wi snackt Platt" vertellt se, wat jüm to dat Motto "Op dat Leven!" infallt.

Bi "Wi snackt Platt" geiht dat dütmal üm plattdüütsche Touren to't Thema Hansetied, wi denkt an den groten Hungerwinter vör 75 Johr, dorto gifft de Band Santiano noch Tipps för uns plattdüütsche Schrievakschoon "Vertell doch mal", un wi hebbt en Geschicht vun Christa Heise-Batt för Jo. De Schrievers-Fro un Vertellersch vun wunnerbaren Geschichten op Platt hett an'n 25. Januar ehrn 85 Geboortsdag fiert.

Plattdüütsch in'e Hanse: interaktive Tour dör Hamborg

De Koopslüüd vun’e Hanse, de weern in’t Middelöller in’e ganze Welt ünnerwegens – un snackt hebbt se domals Middelnedderdüütsch, also Plattdüütsch. Dat dat Plattdüütsche in'e Hansetied en grote Rull speelt hett, dat kann een ok hüüt noch sehn, ok bi uns Hamborg. Bannig vele plattdüütsche Stratennaams gifft dat dor to’n Bispeel un ok noch masse anner Henwiesen dorop. Man de to finnen, dat is mennigmal gor nich so licht - un dorüm hett dat Lännerzentrum för Nedderdüütsch sik nu wat Neets utdacht: Op de Internetsiet hanserouten.de, dor warrt Touren dörch fief Hansestäder (Hamborg, Staad, Lümborg un Lübeck) anbaden, un twoors mit Stopps an Oorten, woneem ok hüüt noch Plattdüütschet ut de Hansetiet to finnen is. Entwickelt hett de Touren Hilka Jeworrek. Mit ehr hett sik Benita Brunnert drapen un sik de Tour dör Hamborg mal’n beten wat nauer ankeken.

Vun Ies, Frost un Snee - De Hungerwinter 1946/47

Trümmerfrauen wärmen sich die Hände. © picture alliance / akg Foto: akg-images
Froenslüüd warmt sik de Hannen an en Füersteed op. In'n "Hungerwinter" 1946/1947 dreih sik in ok Hamborg dat Leven üm twee Gedanken: nich verhungern un nich dootfreern.

En sibirische Küll geev dat domaals, as Düütschland na Hitler sien Krieg in Trümmers leeg, mit Elend un Noot, as wi Düütschen dat hüüt meist blots noch vun Narichten ut anner Ecken vun de Welt kennt. Man domaals dreih sik in Hamborg un woanners dat Leven üm twee Gedanken: nich verhungern un nich dootfreern. Bi "Wi snackt Platt" denkt wi torüch an den so nöömten „Hungerwinter" 1946/47 un laat Lüüd to Woort kamen, de em sülvst noch beleevt hebbt.

Weitere Informationen
Ein alter Mann nimmt 1946 an einer Mülltonne eine Mahlzeit ein. © picture alliance / akg-images Foto: Ursula Litzmann

Der "weiße Tod" im Hungerwinter 1946/47

Der Zweite Weltkrieg ist beendet, Deutschlands Städte sind zerbombt. Dann bricht der kälteste Winter des Jahrhunderts ein. Hunderttausende sterben. mehr

Santiano gifft Schriev-Tipps för "Vertell doch mal"

Noch bet to’n 28. Februar löppt uns plattdüütsche Schrievakschoon "Vertell doch mal". Wi söökt de besten Kortgeschichten op Platt - un dat schreven vun Jo - uns Tohörers. De Shantie-Rockers vun’e Band Santiano, de sünd uns Vertell doch mal-Botschafters düt Johr. Bi "Wi snackt Platt" vertellt se, wat jüm to dat Thema "Op dat Leven" infallt, wat för jüm en gode Kortgeschicht utmaakt un woans se an dat Schrieven vun so een Geschicht rangahn wöörn.

VIDEO: "Vertell doch mal" 2022: Santiano drückt die Daumen (1 Min)

Christa Heise-Batt to'n 85. Geboortdag

Das Bild zeigt das Inventar eines Retro-Tante Emma Ladens. © NDR Foto: Hedwig Ahrens
Kennt Ji ok noch düsse "Tante Emma"-Ladens, de dat fröher geven hett?

“Op dat Leven”, dat is dat Thema vun “Vertell doch mal” düt Johr, man “Op dat Leven”, dor op hett seker ok Christa Heise Batt an’n verleden Dingsdag, den 25. Januar, anstött. Dor is se nämlich 85. Johr oolt worrn! Christa Heise-Batt, de kennt Ji villicht: Vun dat Kabarett Wendeltreppe in’t Raathuus, vun de velen Böker, de se schreven hett, vun ehr  Lesungen in’t Ohnsorg Theater oder as Geschichten-Vertellersch bi "Wi snackt Platt”.  Een vun düsse Geschichten gifft bi uns in de Sennen nochmal to höörn: geiht dor üm düsse lütten Inkoopsladens vun fröher, wo Ji allens, aver ok allens kriegen kunnen. "Tante Emma-Laden" seggt de een dorto, “Bi Tant Dora” heet dat bi Christa Heise-Batt.

Moderatschoon: Jan Wulf

De Leder in uns Sennen:

Knipp Gumbo - Marie Marie
Norma - Op bald
Iko Andrae - Mank all mien Drööm
Santiano - Fresenhof
Ina Müller - Dörp reggae

Weitere Informationen
Leuchtturm Roter Sand.

Wi snackt Platt: Lüchtfüer, Maandschientarif un Platt in’n Bunnsdag

In Bunnsdag warrt nu Plattdüütsch snackt, en riesengrote Modelliesenbahn in Neegamm un plattdüütsch Theater: dat sünd uns Themen dütmal. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1219456.html
NDR 90,3 Livestream

ARD Hitnacht

00:00 - 06:00 Uhr
Live hörenTitelliste