Wi snackt platt
Sonntag, 19. Dezember 2021, 08:30 bis
09:00 Uhr
Bi "Wi snackt Platt" geiht dat dütmal üm Minschen un jümehr Beleevnisse to Wiehnachten: üm Lüüd, de Wiehnachten un dorvör veel arbeiden mööt, üm besünnere Geschenke un üm en Wiehnachtfest in't Johr 1945.
Arbeiden, ok an Wiehnachten: Kööksch Anja Habermann
Anja Habermann ut Hamborg-Osdörp arbeit as Kööksch in en Seniorenresidenz in Osdörp. Ok an Wiehnachten mutt se ran. Wat de Arbeit an de Fierdaag för ehr wat Normales is oder wat se ok mal süüfzen mutt, wenn se an Hilligavend oder de Wiehnachtsfierdaag to Arbeit geiht, vertellt se bi "Wi snackt Platt".
Günter Bernhard un sien Wiehnachten 1945
1945, kort na den Tweten Weltkrieg, dor seten ja vele in de Küll un harrn kuum wat to bieten. Günter Bernhard, de weer domaals ölven Johr oolt un he kann dorvun vertellen, as wenn dat allens eerst güstern passeert weer. Bi "Wi snackt Platt" snackt Günter Bernhard över siene Beleevnisse to Wiehnachten 1945 un he vertellt ok, wat en Sack vull Brikett dormit to doon hett.
Fleeschermeister Jan Spieckermann
Jan Spieckermann, de is so’n lütt beten Wiehnachtsmuffel, denn Hilligavend is he vun de Arbeit in de Daag vörher jümmer platt as en Pannkoken. De Finkwarder Jung is Fleeschermeester un arbeidt in en Supermarkt in Nee Wulmstörp. Bi "Wi snackt Platt" vertellt Jan Spiekermann vun siene Arbeit, man he gifft ok Tipps för en richtig goden Goosbraden to Wiehnachten.
Moderatschoon: Bernhard Koch
De Leder in uns Sennen:
Wi schenk uns nix - Charly Beutin
Wiehnachten in miene Kinnertiet - Liekedeler
Wiehnacht, wat büst du - Rolf Zuckowski & die Finkwarder Speeldeel
Wo is blots weer de Dannboomfoot? - Godewind
Op bald - Norma
Schlagwörter zu diesem Artikel
Plattdeutsch
