Wi snackt platt

Feinkosthökersch, Plattschapp un Lütthasenschool

Sonntag, 12. Dezember 2021, 08:30 bis 09:00 Uhr

Winter in de Lütthasenschool von Albert Sixtus (Cover) © dtv
Dat Book vun de "Lütthasenschool" kennt Ji villicht. Nu gifft dat den tweten Deel vun dat Billerbook ok op Plattdüütsch.

Wat schenk ik mien Verwandschop un mien Frünnen to Wiehnachten!? Wenn Ji Jo düsse Fraag noch stellt, denn höört man nipp un nau hen in düsse Utgaav vun "Wi snackt Platt".

Winter in de Lütthasenschool

"Die Häschenschule" – oder op Platt de „Lütthasenschool“, dat is en Billerbook, dat Ji villicht ok noch ut Joon Kinnertieden kennt. Siet meist 100 Johr gifft dat nu de Geschichten vun Hasenhans un Hasengretel. Albert Sixtus hett de Vertellen 1924 in Riemels opschreven, un de Illustrator Fritz Koch-Gotha hett de Biller dorto maalt. En lange Tiet geev dat ok blots düt een Book vun’e Lütthasen-School, man denn, 60 Johr na Albert Sixtus sien Doot, is noch en tweten Deel opdükert - un de, de is nu ok op Platt rutkamen. Lina Band hett sik dat Billerbook, dat in'n Husum-Verlag rutkamen is, ankeken un stellt Jo dat vör.

Weitere Informationen
Winter in de Lütthasenschool von Albert Sixtus (Cover) © dtv

"Winter in de Lütthasenschool": Klassiker-Fortsetzung op Platt

"Die Häschenschule" ist ein Kinderbuchklassiker. Die Fortsetzung ist nun auch auf Platt erschienen. mehr

Böker, CDs un mehr bi "Plattschapp.de"

En Internetsiet, wo Ji allens bestellen köönt, wat dat so op den plattdüütschen Böker- un CD-Markt gifft, dat is Plattschapp.de. Signe Frese-Preis un Heiko Frese bedrievt de Websiet, un de Idee, plattdüütsche Literatur mehr ünner de Lüüd to bringen, de keem em al in de Negentiger Johren. 2002 hett Heiko Frese denn anfungen, de Internetsiet plattschapp.de to programmeren un na un na en Internethannel opbuut. Gerrit Hoss, de hett de hett Signe Frese-Preis un Heiko Frese mal bi em tohuus in Lümborg (Lüneburg) besöcht.

Heike Westphal ist Feinkosthändlerin auf den Wochenmärkten in Hamburg-Volksdorf und Wellingsbüttel. © Bernhard Koch Foto: Bernhard Koch
AUDIO: Wi snackt Platt: Feinkosthökersch, Plattschapp un Lütthasenschool (30 Min)

To Besöök op'n Wekenmarkt bi Heike Westphal

Heike Westphal ist Feinkosthändlerin auf den Wochenmärkten in Hamburg-Volksdorf und Wellingsbüttel. © Bernhard Koch Foto: Bernhard Koch
Heike Westphal is Feinkosthökersch op'e Wekenmarkten in Hamburg-Volksdorf und Wellingsbüttel. Wi hebbt se bi de Arbeidt besöcht.

Vele Lüüd söökt en Leven lang na jümehrn Droomjob. Mennigeen findt em, mennigeen nich. Heike Westphal, de hett ehrn Droomjob funnen: Se is Feinkosthökersch op de Wekenmarkten in Volksdörp un Wellingsbüddel. Goden Klönsnack, geern ok mal op Platt, un dorbi leckere Saken verköpen – Heike Westphal is bannig froh, dat se nich mehr in de grote Tähndokterpraxis arbeiden deit, wo se fröher togang weer. Denn dat weer en Tiet, dicht vullpackt mit Stress. "Feinkost Gatermann" steiht op den Verkoopswagen, den se vun ehrn Broder övernahmen hett. Un wenn vörn an den Wagen de grote Klapp opgeiht, denn is dat för Heike Westphal so, as wenn se op en Bühn stahn dee. So as se ok in ehr Freetiet op en richtige Bühn steiht: bi en Theatervereen. Bernhard Koch hett Heike Westphal bi de Arbeidt besöcht un stellt Jo de Feinkosthökersch vör.

Moderatschoon: Jan Wulf

De Leder in uns Sennen:

Ganz goot - Norma Schulz
Straat nah Westen - Otto Groote Ensemble
Keener weet dat ganz genau - Godewind
Dat Joahr geiht toenn - Rolf Zuckowski
An Land - Annie Heger

Weitere Informationen
Ein Mann mit Bart und gelbem T-Shirt sitzt auf der Bühne vor einem Holzboot und hat die Arme um die Knie geschlungen. © Ohnsorg Theater Foto: Sinje Hasheider

"De ole Mann un de See": Hemingway am Ohnsorg Theater

Das Hamburger Theater hat eine plattdeutsche Version des Klassikers "Der alte Mann und das Meer" auf die Bühne gebracht. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Robert Eder ist Schauspieler am Ohnsorg Theater in Hamburg. © Oliver Fantitsch Foto: Oliver Fantitsch

Wi snackt Platt: Robert Eder, Hörspeel un Allermöh

Siet 25 Johr höört de Schauspeler Robert Eder nu to't faste Ensemble vun't Ohnsorg Theater. Jan Wulf blickt mit em torüch. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1209520.html
NDR 90,3 Livestream

Hamburg am Morgen

05:00 - 10:00 Uhr
Live hörenTitelliste