Wi snackt platt

Ohnsorg, Spodenland un mehr

Sonntag, 21. November 2021, 08:30 bis 09:00 Uhr

Am 14.11.2021 hat das Stück "Weddersehn maakt Freid...?" im Ohnsorg Theater Preimiere gefeiert. © Oliver Fantitsch Foto: Oliver Fantitsch
In't Ohnsorg Theater hett dat Stück "Weddersehn maakt Freid...?" Premieer fiert. Wi vertellt Jo, wat sik dat Ankieken lohnt.

“Weddersehn maakt Freid…?”, so heet dat ne’e Stück in’t Ohnsorg Theater, dat verleden Sünndag Premieer fiert hett. Wi weern dorbi un vertellt Jo, wat sik dat lohnen deit, sik dat antokieken. Dorto vertellt wi Jo ok noch, wat dat in’e tokamen Tiet allens so bi Ohnsorgs to beleven gifft, un wi sünd an de Norderelv to Besöök: hier bi uns in Hamborg, in’n Stadtdeel Sponland, also Spadenland.

Am 14.11.2021 hat das Stück "Weddersehn maakt Freid...?" im Ohnsorg Theater Preimiere gefeiert. © Oliver Fantitsch Foto: Oliver Fantitsch
AUDIO: Wi snackt Platt: Ohnsorg, Spodenland un mehr (30 Min)

Premieer in't Ohnsorg: "Weddersehn maakt Freid...?"

Am 14.11.2021 hat das Stück "Weddersehn maakt Freid...?" im Ohnsorg Theater Preimiere gefeiert. © Oliver Fantitsch Foto: Oliver Fantitsch
Volkstheater so as dat ween schall: Caroline Kiesewetter (l.) und Birte Kretschmer (r.) in "Weddersehn maakt Freid...?" in't Ohnsorg Theater

So richtig wat to’n Lachen is dat, wat dat in’n Ogenblick in’t Ohnsorg Theater to sehn gifft. Verleden Sünndagavend harr dor dat ne’e Stück “Weddersehn maakt Freid” Premieer. Dat Stück hannelt vun den stink-rieken Anton, de mit siene schicki-micki Fründin Mona in en millionen-düret Appartemang in Harvestehuud wahnt. Allens is in'e Reeg, man op eenmol steiht sien Avkaat bi em in’e  Döör un hett en Naricht för em: sien Jugendleev Kiki hett sik mellt. De twee hebbt sik vör 25 Johr ut Spaaß an’e Freid in Las Vegas verheiraten laten un nu kümmt rut, dat de Heirat vun domals ok in Düütschland gellen deit. Wiel se nee heiraden will, will Kiki nu de Scheidung. Anton aver hett Manschetten, dat Kiki en Barg Geld vun em hebben will. So treckt Anton denn mit siene Fründin Mona in de Kellerwahnung vun siene Putzfro und speelt den armen Macker. He will sien Jugendleev Kiki wat vörmaken un twors so, dat he siene Millionen behaaln kann... Bi "Wi snackt Platt" vertellt wi Jo mehr doröver, woans dat Stück bi't Publikum in't Ohnsorg Theater ankamen is un wat sik dat Ankieken vun "Weddersehn maakt Freid...?" ok lohnt.

Weitere Informationen
Am 14.11.2021 hat das Stück "Weddersehn maakt Freid...?" im Ohnsorg Theater Preimiere gefeiert. © Oliver Fantitsch Foto: Oliver Fantitsch

Ohnsorg Theater: "Weddersehn maakt Freid...?" feiert Premiere

Die rasante Komödie um eine Jugendliebe erntete viele Lacher und kräftigen Applaus vom Publikum im Ohnsorg Theater. mehr

Wat gifft't in'e Tokunft bi Ohnsorgs to sehn?

Das Stück "Champagner to´n Fröhstück" im Ohnsorg-Theater. © Sinje Hasheider Foto: Sinje Hasheider
Ok in'e twete Halv vun düsse Speeltiet an't Ohnsorg Theater to beleven: de Wedderopnahm vun dat Stück "Champagner to´n Fröhstück" mit Meike Meiners un Manfred Bettinger.

Dat Ohnsorg Theater hett jüst künnig maakt, wat dat dor in’e twete Halv vun düsse Speeltiet to beleven gifft. Op'e grote Bühn kaamt twee Stücken wedder, de al in’t verleden Johr, man wegen Corona blots ganz kort, to sehn weern: “Rita will dat weeten” un “Champagner to’n Fröhstück”. Ok de Klassiker “Tratsch op de Trepp” mit Heidi Mahler in de Hauptrull is noch eenmal to to beleven: dat Stück löppt vunaf den drüdden bet to’n föffteihnsten Mai. Kloor, ok ne’e Stücken sünd in’t Anbott: Richtig schöön nordisch warrt dat to’t Bispeel vunaf den sössteihnsten Januar: “Ünner’t Lüchtfüer” heet dat Stück denn. Dat is en Kummedie üm en Mann, de baven in en Lüchttoorn arbeiden deit. Ok so richtig wat to’n Högen warrt woll dat Stück “Bares is nix Rares” na en Kumeedie vun Michael Cooney. Un denn kümmt vunaf den 24. April noch en Stück, dat de Ohnsorg-Speelbaas Murat Yeginer sülvst schreven hett: Op Swing-Musik op Platt köönt Ji Jo dor freien - un op Caroline Kiesewetter in een vun de Hauptrullen. Allens dat gifft dat bet to’n Sommer to beleven op’e grote Ohnsorg-Bühn, man denn is dor ja ok noch de lütte Studio-Bühn in’t Ohnsorg. Un wat dor so allens op’n Plan steiht, dat hett uns Cornelia Ehlers vertellt. Se is de Leitersch vun’t Ohnsorg-Studio.

Op'n Padd in Hamborg-Spodenland

Foto vom Spadenland bei Abenddämmerung © NDR Foto: Manuela Schütthat
Sünnünnergang De Norderelv bi Hamborg-Spodenland

Dat Hamborg mehr is as blots de Reeperbahn, de Haven oder ok de Binnenstadt rund üm de Mönckebargstraat rüm, dat weet woll de Mehrsten. Denn Hamborg kann ok ganz sinnig ween: mit gröne Dieken un wieden Blick över de Elv. So as in den dree-eenhalv Quadraatkilometer lütten Stadtdeel Spodenland to’t Bispeel. Spodenland, dat is en Deel vun de Maschlannen un liggt direktemang an de Norderelv. "Wi snackt Platt"-Reportersche Benita Brunnert weer in Spodenland ünnerwegens un hett dor de twee Plattsnackers Harald un Dita Witthöft drapen.

Moderatschoon: Jan Wulf

De Leder in uns Sennen:

  • In een Boot - Godewind
  • Op bald - Norma
  • Nüms tohuus - Iko Andrae
  • Mien Melodie - Valentine & The True Believers
  • De Klock is dree - Ina Müller

Weitere Informationen
Die Verleger Gesche und Peer-Marten Scheller blicken auf einer Gala glücklich in die Kamera © NDR Foto: Lornz Lorenzen

Hamburger Quickborn-Verlag wird in Kappeln gefeiert

Die Stadt Kappeln zeichnete die Verleger Gesche und Peer-Marten Scheller mit dem niederdeutschen Literaturpreis aus. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1203808.html
NDR 90,3 Livestream

Hamburg am Nachmittag

15:00 - 19:00 Uhr
Live hörenTitelliste