Wi snackt platt

Wi snackt Platt: Hoochbahn-Chor, Platt-Krink un Windmöhl

Sonntag, 24. Oktober 2021, 08:30 bis 09:00 Uhr

Vorbereitung zur Sommertour: Barmbeker basteln an der Stadtteilwette.  Foto: Sahar Nadi
Ok de Chor vun'e Hamborger Hoochbahn müss wegen Corona en lange Paus inleggen. Nu singt he wedder!

Bi "Wi snackt Platt" sünd wi dütmal bi'n Chor vun'e Hamborger Hoochbahn to Besöök, wi stellt Jo en ne’en Plattkrink in’t Kreativhuus in Eimsbüddel vör, un wi kiekt bi de Möhl Twielenfleth bi Staad vörbi.

De Hoochbahn-Chor singt wedder!

Dat Singen mit anner Lüüd tohoop in’n Chor maakt bannig veel Spaaß. Man vun all de Hobbys, de een sik för en schöne Freetiet toleggen kann, dor hebbt de strengen Corona-Regeln sekerlich dat Chorsingen mit an’n dullsten drapen. Vele Chöre müssen en lange Paus inleggen - vun wegen de Gefohr för Anstekeree bi’t Singen. Eerst düssen Sommer is dat nu so suutje-piano wedder losgahn. So as ok bi den Chor vun de Hamborger Hoochbahn. "Wi snackt Platt"-Reporter Bernhard Koch hett dor annerletz mal bi en Proov vörbikeken.

Henwies: Wenn Ji Lust hebbt, bi den Chor mittosingen finnt Ji hier den Kontakt.

Die intakte Mühle von Hollern-Twielenfleth nach der Sanierung 2012. © Kai Schulz Foto: Kai Schulz
AUDIO: Wi snackt Platt: Hoochbahn-Chor, Platt-Krink un Windmöhl (30 Min)

Platt-Snacken lehren in't Kreativhuus Eimsbüddel

Heiko Thomsen mit einem sehr alten Foto seiner Vorfahren © Bernhard Koch Foto: Bernhard Koch
He hett dat Leit vun den ne'en Platt-Krink in Eimsbüddel: Heiko Thomsen

En beten Platt verstahn, dat köönt vele Lüüd, man mit Snacken süht dat denn woll al anners ut. In’t Kreativhuus in Eimsbüddel, dor hett Heiko Thomsen nu vör en poor Weken en ne’en Plattdüütsch-Krink in’e Gang’ bröcht, wo dat akroot dorüm geiht: dat Plattdüütsch Snacken. Benita Brunnert hett sik opmaakt un stellt Jo den ne'en Plattkrink vör.

Henwies: Wenn Ji Lust hebbt, ok mal bi en Drapen dorbi to ween: de Platt-Krink vun Heiko Thomsen dröppt sik jedeen Dünnersdagavend, Klock halvig söven, in de Telemannsstraat teihn (Kreativhaus Eimsbüttel). Anmellen bruukt ji jo dor nich för!

Historsche Möhl in Hollern-Twielenfleth

Die intakte Mühle von Hollern-Twielenfleth nach der Sanierung 2012. © Kai Schulz Foto: Kai Schulz
De Möhl vun Hollern-Twielenfleth in't Ole Land bi Staad.

Historsche Water- un ok Windmöhlen, de noch in Bedriev sünd, de gifft dat nich mehr vele hier bi uns in'n Noorden. In’t Ole Land, in Hollern-Twielenfleth bi Staad, also Stade, dor steiht noch so en Möhl - un Gerrit Hoss, de hett se sik ankeken.

Moderatschoon: Jan Wulf

De Leder in uns Sennen:

Twischen Ostsee und Nordseestrand - Timsen un sien Lüüd
Nüms tohuus - Iko Andrae
De lange Dag - Lars & Dixi
Ganz goot - Norma
Mama - Ina Müller

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1195448.html
NDR 90,3 Livestream

Hamburg am Mittag

13:00 - 15:00 Uhr
Live hörenTitelliste