Wi snackt platt

Wi snackt Platt: Finkwarder Appeln, Joachim Bliese un Bibliothek

Sonntag, 19. September 2021, 08:30 bis 09:00 Uhr

Der Schauspieler Joachim Bliese ist am 9. September 2021 im Alter von 85 Jahren gestorben. © Ohnsorg Theater Foto: Torsten Kollmer
Fans vun´t Ohnsorg Theater blifft he vör allen in sien Rull as Doktor Faust an de Siet vun Uwe Friedrichsen unvergeten: De Schauspeler Joachim Bliese is an'n 9. September 2021 in't Öller vun 85 Johr storven.

Bi "Wi snackt Platt" kiekt wi dütmal bi de Appel-Oornt op Finkwarder vörbi, wi fiert 25 Johr Nedderdüütsche Bibliothek in Hamborg, un wi denkt torüch an Joachim Bliese. De Ohnsorg-Schauspeler is an'n 9. September in’t Öller vun 85 Johr strorven.

Äpfel hängen auf einem Obsthof im Alten Land am Baum. © dpa-Bildfunk Foto: Daniel Reinhardt
AUDIO: Wi snackt Platt: Finkwarder Appeln, Joachim Bliese un Bibliothek (30 Min)

Torüchdenken an Joachim Bliese

Joachim Bliese und Heidi Mahler. © © NDR/Jutta Schwoebel
Ok an die Siet vun Heidi Mahler weer Joachim Bliese in't Ohnsorg Theater to beleven.

He weer en ganz besünnern Minsch un en wunnerbaren Schauspeler. So vele Rullen hett he speelt: in’t Theater, in’t Fernsehn, un ok bi masse Hörspelen weer he mit dorbi: Joachim Bliese. Plattsnackers un Fans vun´t Ohnsorg Theater blifft he vör allen in sien Rull as Doktor Faust unvergeten. 2007 weer he dormit an de Siet vun Uwe Friedrichsen to beleven. Ok den Franz Maus in dat Schauspeel “Atschüüs, mien Leev” hett he speelt un dorför 2008 den Rolf-Mares-Theaterpries wunnen. Sien letzte Rull an’t Ohnsorg, dat weer in’t Johr 2016 de demenzkranke Amandus in dat Stück “Honnig in’n Kopp”. Nu is Joachim Bliese in´t Öller vun 85 Johr storven. Bi "Wi snackt Platt " wüllt an em torüchdenken mit en plattdüütsche Geschicht, de he sülvst eenmol för uns Sennen insnackt hett: en Utsnitt ut dat Book "Lange Nachten ünner de Sünn" vu Reimer Bull.

Appel-Oornt op Finkwarder

Reife Äpfel an einem Apfelbaum.
De Appeln op Finkwarder sünd riep!

Endlich wedder frische Appeln! De Appel-Oornt is vull in Gang, un düt Johr sünd de Appeln mal wedder besünners root. Woso, dat hett sik Gerrit Hoss op Finkwarder vun Appel-Buer Adolf Fick verklaren laten. Un blangenbi hett he ok noch wat över en ne’e Appelsoort lehrt: den Appel "P-143".

25 Johr Nedderdüütsche Bibliothek in Hamborg

Die Niederdeutsche Bibliothek in Hamburg  Foto: Judith Pape
De Nedderdüütsche Bibliothek in de Neanderstraat hett ehr 25johriges Jubiläum fiert.

De Nedderdüütsche Bibliothek in de Neanderstraat is en wahre Schatzkist! Över 23.000 plattdüütsche Böker, Tietschriften CDs, Spele un Films kann en sik dor ankieken un ok utlehnen. Geven deit dat de Bibliothek siet 1996, un anfungen hett dor allens mit en Sammeln vun bummelig tweedusend plattdüütsche Böker, de de Mäzen Alfred Toepfer na sien Dood dorlaten hett. 25 Johr is de Nedderdüütsche Bibliothek nu also oolt - un fiert worrn is dat an’n Anfang vun de verleden Week bi en lütte Fierstünn in’n Lichtwarksaal vun’e Carl-Toepfer-Stiften. "Wi snackt Platt"-Reportersche Benita Brunnert weer för uns dorbi.

Henwies: Apen is de Nedderdüütsche Bibliothek jümmers an’n Dünnersdag, vörmeddags vun Klock ölven an bet Klock veer an’n Nameddag. Mehr Informatschonen to de Bibliothek gifft dat ok op de Websiet vun de Carl-Toepfer-Stiften.

Plattdüütsch Hörspeel: Ne'e Episoden vun "Seker is Seker"

Sandra Keck, Sängerin und Schauspielerin. © NDR Foto: Oliver Fantitsch
Sandra Keck is bi de Hörspeel-Reeg "Seker is Seker" as Versekerungsagentin Jackie Theeßen to höörn.

In uns Hörspeel-Reeg "Seker is Seker" is Sandra Keck as Versekerungsagentin Jacki Theeßen ünnerwegens. Veer ne'e Episoden gifft dat nu, un de Eerste köönt Ji an'n tokamen Middewekenavend vunaf Klock fief na negen bi NDR 90, 3 höörn. "Fridolin" heet de Utgaav. Schreven hett de Hugo Rendler. Un dat geiht dor üm Jacki ehrn Unkel, en Perfesser un en Hahn, de verswunnen is. Bi "Wi snackt Platt" vertellt Jo Ilka Brueggemann op wat Ji Jo bi dat Hörspeel freien köönt. Kloor is: dat gifft mal wedder masse wat to’n Smustern in düsse Utgaav vun “Seker is Seker”.

Weitere Informationen
Buch mit Kopfhörern im Watt. (Montage) © fotolia.com Foto: Dreadlock, Jenny Sturm

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Moderatschoon: Jan Wulf

De Leder in uns Sennen:

An Land - Annie Heger
Ganz goot - Norma
Wellen, Wind un Meer - Lars & Timpe
Min Jehann - Ina Müller
Hüüt is mien Daag - Timsen un sien Lüüd

Weitere Informationen
Der deutsche Musiker, Produzent und Schriftsteller, Knut Kiesewetter © picture-lines Foto: Horst Pfeiffer

Wi snackt Platt: Knut Kiesewetter, Wilsdörp un Hölp för Kinner

Bi "Wi snackt Platt" denkt wi torüch an Knut Kiesewetter, sünd op´n Padd in Wilsdörp un stellt Jo Annette Grunwaldt vör. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1186536.html
NDR 90,3 Livestream

Große Freiheit

10:00 - 14:00 Uhr
Live hörenTitelliste