Wi snackt platt

De Museums-Iesenbahners Gerhard Roesler (links) un Hermann Scharping in en wedder flott maakten Waggon ut de Kaisertiet

Bi "Wi snackt Platt" sünd wi dütmal to Besöök bi de Hobby-Iesenbahners vun de Museums-Iesenbahn Geesthacht, wi kiekt torüch op dat Festival op Platt verleden Sünndag in Elmshoorn, dorto weern wi ok noch bi de Premieer vun "Offline för een Avend" in´t Ohnsorg-Theater mit dorbi, un dat gifft en Plattdüütsche Geschicht vun Reimer Bull to höörn.

Twischen Damploks un Waggons: de Museums-Iesenbahn Geesthacht

Wenn de ole Damplok Karoline op de Streck twüschen Hamborg-Bardörp un Geesthacht örntlich rökern un tuten deit, dat lett de Harten vun Iesenbahn-Fans gauer slaan. Sietdem de Corona-Regeln nich mehr so streng sünd, kiekt de Lüüd vun de Museums-Iesenbahn Geesthacht wedder mit mehr Toversicht na vörn. Endlich is wedder Leven in den olen Lokschuppen in Geesthacht, wo jümmers an’n Dünnersdag un Sünnavend an ole Damploks un Waggons schruuvt, hamert un frääst warrt. "Wi snackt Platt"-Reporter Bernhard Koch hett de Hobby-Iesenbahners besöcht un mit de Ehrenamtlichen Gerhard Roesler un Hermann Scharping snackt.

Henwies: Wokeen ok mal Lust hett op en kommodige Fohrt mit de Damplok un de olen Waggons: an’n 11. un 12. September, dor schall dat ünner scharpe Corona-Oplagen wedder losgahn. Mehr Infos dorto gifft dat bi de Tourist-Info vun de Stadt Geesthacht un op de Internetsiet vun de Museums-Iesenbahn Geesthacht.

Weitere Informationen

Volldampf an der Elbe: Geesthachter Eisenbahn

Bis 1953 fuhren reguläre Züge von Bergedorf nach Geesthacht. Jetzt lädt die Geesthachter Museumseisenbahn an mehreren Sommer-Wochenenden zu Touren an die Elbe ein. mehr

So weer dat Festival op Platt in Elmshoorn

Ok Rolf Zuckowski weer bi dat Festival op Platt in Elmshorn mit dorbi.

Rolf Zuckowski, Norma, Gerrit Hoss, De Deichgranaten - dat sünd blots en poor vun de Künstlers, de verleden Week bi dat Festival op Platt in Elmshoorn op de Bühn stünnen. Benita Brunnert weer för uns mit dorbi un hett sik bannig freit, endlich mal wedder Plattdüütsche Live-Kultur to beleven.

"Offline för een Avend" - Woans weer de Ohnsorg-Premieer?

Beate Kiupel, Meike Meiners, Nele Larsen, Markus Gillich un Erkki Hopf in "Offline för een Avend" in't Ohnsorg-Theater.

Männer in’e Kledaasch vun en Meerjungfro, Froonslüüd an’e Kass, de Klamotten vun Matrosen dreegt un en SEK-Insatz mit Rookbomben. Verleden Sünndag hett dat Stück "Offline för een Avend" in't Ohnsorg-Theater Premieer fiert. Bi "Wi snackt Platt" vertellt wi Jo, wat dat Publikum vun de Premieer to dat Stück seggt hett un wat sik dat lohnt, sik de ne'e Ohnsorg-Kummedie antokieken.

Weitere Informationen

"Offline för een Avend": Turbulente Premiere am Ohnsorg

Mit kräftigem Applaus hat das Publikum die Uraufführung der Komödie von Sönke Andresen gefeiert. Die Stärke des Stücks ist der Tumult. mehr

Moderatschoon: Jürgen Fitschen

De Leder in uns Sennen:

Kring ut Füer - Knipp Gumbo
Uns geiht dat goot - Godewind
An Land - Annie Heger
De Stävels sünd toon Wannern! - Wattenläufer
Rollin' Home - Lui & Fiete

Weitere Informationen

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr