Wi snackt platt

Jungs un Deerns leest Platt!

Sonntag, 20. Juni 2021, 08:30 bis 09:00 Uhr

Auch im Corona-Jahr 2021 fand in Hamburg der plattdeutsche Lesewettbewerb "Jungs un Deerns leest Platt" statt. © Jan Wulf Foto: Jan Wulf
Auch im Corona-Jahr 2021 fand in Hamburg der plattdeutsche Lesewettbewerb "Jungs un Deerns leest Platt" statt. © Jan Wulf Foto: Jan Wulf
Se hett bi "Jungs un Deerns leest Platt" de Geschicht "Müggen" vun Hans-Hermann Briese leest: Elif Kurt vun´t Immanuel-Kant-Gymnasium in Marmsdörp. Anhöörn kann en sik de Geschicht bi "Wi snackt Platt".

"Jungs un Deerns leest Platt” - so heet en Wettstriet för Hamborger Schölersche un Schölers, de all twee Johr stattfinnen deit. Normalerwies steiht an't Enn dorvun jümmers en grote Afsluss-Fier op de grote Bühn vun't Ohnsorg-Theater - en Gala, wo all de, de wunnen hebbt, jümehr Geschicht vörleest. Wiel dat düt Johr wegen Corona nich mööglich weer, hebbt sik de Hamborger Schoolbehöörd un Anke Hoyer, de den Wettstriet organiseern deit, wat anners utdacht:

Auch im Corona-Jahr 2021 fand in Hamburg der plattdeutsche Lesewettbewerb "Jungs un Deerns leest Platt" statt. © Jan Wulf Foto: Jan Wulf
Gustav Grabe geiht in de 8. Klass vun de Brecht-School in Hammerbrook. Bi "Jungs un Deerns leest Platt" hett he en Utsnitt ut dat Book "Hannah un de Hummel" vun Benita Brunnert vördragen.

Tominnst söss Deelnehmers vun "Jungs un Deerns leest Platt", Schölersche un Schölers vun söss ünnerscheedliche Grundscholen un Gymnasien in Hamborg, weern inlaadt, ehr Geschicht op de lütte Studiobühn vun't Ohnsorg Theater corona-konform vör en ganz poor Lüüd vörtodregen. NDR 90,3 weer dorbi un hett de söss Geschichten optekent. To höörn gifft dat de nu bi "Wi snackt Platt" an´n 20. un 27. Juni - un, kloor, ok online in uns "Wi snackt Platt"-Podcast.

Freit Jo in düsse Sennen op de Geschichten vun...

  • Phelan Natebus ut de 3. Klass an de Grundschool Hogeluft
  • Elif Kurt ut de 6. Klass an´t Immanuel-Kant-Gymnasium in Marmsdörp un
  • Gustav Grabe ut de 8. Klass an de Brecht-School in Hammerbrook

In de tokamen Week, an'n 27.6., bi "Wi snackt Platt" mit dorbi:

  • Philip Hintz ut de 4. Klass an de Grundschool Sethweg.
  • Ben Lauven ut de 4. Klass an de Grundschool in Curslack un
  • Ema Neupauerova ut de 7. Klass vun´t Gymnasium Finkwarder

Moderatschoon: Jan Wulf

De Leder in düsse Sennen:

Sommerkinner - Die Tüdelband
Hüüt is min Daag - Timsen un sien Lüüd
Sommerregen - Gerrit Hoss
Marie Marie - Knipp Gumbo
Mama - Ina Müller

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1164410.html
NDR 90,3 Livestream

NDR 1 - Die beste Musik für den Norden

21:00 - 23:00 Uhr
Live hörenTitelliste