Wi snackt platt

Uwe Friedrichsen, Nick Wilder un Yared Dibaba

Sonntag, 25. April 2021, 08:30 bis 09:00 Uhr

Die Hamburger Sängerin Floy, Nick Wilder und Yared Dibaba haben ein gemeinsames Lied aufgenommen. © Mirko Hannemann; Foto: Mirko Hannemann;
Schauspieler Uwe Friedrichsen (2006) © Sven Simon Foto: Sven Simon
An'n 30. April is dat fief Johr her, dat de Schauspeler un Plattsnacker Uwe Friedrichsen hier bi uns in Hamborg storven is.

Bi "Wi snackt Platt" denkt wi dütmal torüch an den grootardigen Schauspeler un Plattsnacker Uwe Friedrichsen, dat geiht üm ne´e Musik op Platt un Ingelsch vun de Hamborger Singersche Floy, den Schauspeler Nick Wilder un Yared Dibaba, un wi stellt Jo en ne´et Kinnerbook över de twee Wichtel "Arlewatt un Olderup" ut Noordfreesland vör.

Nick Wilder, Floy un Yared Dibaba: ne'e Musik op Platt un Ingelsch!

Die Hamburger Sängerin Floy, Nick Wilder und Yared Dibaba haben ein gemeinsames Lied aufgenommen. © Mirko Hannemann; Foto: Mirko Hannemann;
De Hamborger Singersche Floy, de Schauspeler Nick Wilder un Yared Dibaba hebbt tohoop en ne'et Leed op Platt un Ingelsch opnahmen. "These boys must be free - op Platt" heet de Song.

Nick Wilder - den Naam hebbt Ji seker al mal höört - oder Ji hebbt em in´t Fernsehn sehn: bet Anfang vun´t Johr weer he as Dokter Sander bi´t ZDF Traumschiff to beleven. Wat nu villicht ok de Lüüd, de em kennt, nich wusst hebbt: de Mann is op Fehmarn opwussen, sien Hart sleiht för´t Plattdüütsche, un he kann nich blots grotardig schauspelern, he kann ok singen! Jüst vör en paar Daag, dor is en ne´en Song rutkamen - en Leed op ingelsch un op Platt. Un dor is he to höörn - tohoop mit Floy, dat is en Singersche hier ut Hamborg, de "Charchulla Zwillinge" vun de Insel Fehmarn un: Yared Dibaba! “These boys must be free - op Platt” heet de Song. Wi hebbt mal mit Nick Wilder un Yared Dibaba över den ne´en Song snackt un, kloor, gifft dat Leed bi "Wi snackt Platt" ok to höörn.

Die Hamburger Sängerin Floy, Nick Wilder und Yared Dibaba haben ein gemeinsames Lied aufgenommen. © Mirko Hannemann; Foto: Mirko Hannemann;
AUDIO: Uwe Friedrichsen, Nick Wilder un Yared Dibaba (30 Min)

Torückdenken an Uwe Friedrichsen

Uwe Friedrichsen weer een vun de ganz Groten. In de föfftiger Johrn al hett he in´t Düütsche Schauspeelhuus ünner Gustav Gründgens den Schöler in Goethe sien Faust geven, he weer de Tollfahnder Zaluskowski in de Fernsehreeg “Schwarz, Rot, Gold”, weer de Stimm vun Inspektor Columbo - un villicht kennt Ji em ok noch vun siene Rull as “Uwe” ut de Sesamstraat. In Altnaa is Uwe Friedrichsen op de Welt kamen, un as Hamborger Jung hett he de Elv ok nie nich verlaten. An´n 30. April is dat nu fief Johr her, dat düsse wunnerbore Schauspeler, den ok dat Plattdüütsche bannig an´t Hart leeg, mit 81 Johr hier bi uns in Hamborg storven is. Bi "Wi snackt Platt" wüllt nochmaal an em torüchdenken, mit en Geschicht, de he 2011 in´t Ohnsorg Theater op de Afslussveranstalten vun uns plattdüütsche Schrievakschoon „Vertell doch mal“ vördragen hett: de Geschicht „Wenn Unkel Dierk vertellt“, schreven vun Helmut Brunhorn.

Arlewatt un Olderup - Twee Wichtel ut Noordfreesland

Das Ortsschild von Olderup. © NDR Foto: Vera Vester
Arlewatt un Olderup - de Autoren Elisabeth Hagopian un Alexander Schmidt hebbt ut düsse Naams en Kinnerbook maakt.

Wenn Oma un Opa in Nordfreesland wahnt, un de fief Enkelkinner wiet, wiet weg över gaanz Düütschland verdeelt, denn haalt de meisten vun uns in düsse Tieden woll över dat Telefon un dat Internet Kontakt. Elisabeth Hagopian un ehr Mann Alexander Schmidt, de sünd dor noch’n Stück wieter gahn – denn se hebbt för jümehr Familien en Billerbook schreven - un dorto ok noch illustreert. Middewiel kann jedeen dat Book köpen, un dat glieks in veer Spraken: Op Hochdüütsch, Plattdüütsch, Freesch oder Däänsch. Platt-Reportersche Lina Bande hett dat Autorenpoor op ehrn Hoff in Ahrenviölfeld besöcht.

Henwies: Dat Book “Arlewatt un Olderup – Aventüer in Nordfreesland“ köst 14,95 Euro un is - so as de annern Spraakverschonen ok - rutkamen in’n Husum-Verlag.

Moderatschoon: Jan Wulf

De Leder in uns Sennen:

Ik föhl mi wohl - Farvenspeel
These boys must be free (op Platt) - Nick, Yared & Floy feat. The Charchullas
Sett de Seils - Knipp Gumbo
Mien Jehann - Hannes Wader
De Wind vun Hamburg - Ina Müller

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1148986.html
NDR 90,3 Livestream

ARD Hitnacht

00:00 - 05:00 Uhr
Live hörenTitelliste