Wi snackt platt

Sprakencharta, Museumshaven un Kreativ-Warksteed

Sonntag, 10. Januar 2021, 08:30 bis 09:00 Uhr

Rike Henties (links) und Angelika Böhm lächeln in die Kamera. © Rike Henties Foto: Rike Henties
Museumshafen Oevelgönne © NDR/ Tine Walter Foto: Tine Walter
Bi "Wi snackt Platt" sünd wi dütmal in´n Museumshaven Oevelgönn to Besöök.

Bi "Wi snackt Platt" maakt wi dütmal en lütten Utfloog hen na´n Museumshaven Oevelgönn, wi stellt Jo Rike Henties un ehr lütte Online-"Kreativ-Warksteed op Platt" vör, wi besinnt uns op den Schauspeler Friedrich "Fiete" Schütter, de an´n 4. Januar hunnert Johr oolt worrn weer, un wi hebbt Besöök in´t Studio: Christiane Ehlers vun´t Nedderdüütschsekretariat mit Sitt in Hamborg stellt dree ne'e lütte Videos för, de de "Europääsche Sprakencharta för Regionaal- oder Minnerheitenspraken" verklaart.

Wat is de Europääsche Sprakencharta?

Eine Frau blickt lächelnd in die Kamera. © NDR Foto: Fotoraum Reinhold
Dree lütte Verklaar-Videos över de "Europääsche Sprakencharta": Christiane Ehlers hett dat Leit bi`t Nedderdüütschsekretariat mit Sitt in Hamborg, dat sik de Films utdacht hett.

Plattdüütsch in de School, vör Gericht, op´t Amt, in´t Theater oder in de Medien: de "Europääsche Sprakencharta för Regionaal- oder Minnerheitenspraken" is en Konventschoon, de ok Düütschland 1992 ünnerschreven hett. Se sett sik dorför in, dat Regionaal- un Minnerheitenspraken in Europa Stütt kriegen doot un överleven köönt. Man worüm geiht dat bi düsse Charta egens nipp un nau?

Dree lütte Verklaar-Videos

Dat Nedderdüütschsekretariat hett nu tohoop mit den Bunnsraat för Nedderdüütsch dree lütte Videos rutgeven, de de "Europääsche Sprakencharta" verklaart. Bi "Wi snackt Platt" vertellt Christiane Ehlers, de dat Leit vun´t Nedderdüütschsekretariat mit Sitt in Hamborg hett, mehr över de Sprakencharta un de ne´en Verklaar-Films.

Ankieken kann en sik all "Sprakencharta"-Videos op de Websiet vun´t Nedderdüütschsekretariat.

De Museumshaven Oevelgönn in Corona-Tieden

Rettungsring in Oevelgönne © NDR/ Tine Walter Foto: Tine Walter
Ok ahn all de Besökers gifft dat veel to doon in´n Museumshaven Oevelgönn

Bannig wat to sehn un to beleven gifft dat in´n Museumshaven Oevelgoenn: wat dat wunnerschöne Seil-, Damp- oder ok ole Motorscheep sünd. Vele Hamborgers un Lüüd, de vun buten kaamt,  treckt dat jedet Johr dor hen. Normalerwies. Denn in’t Corona-Johr 2020 weer ok hier allens anners, as man sik dat dacht harr. De Kolleeg Bernhard Koch hett sik annerletz mal op´n Weg maakt un sik mit twee vun de Ehrenamtlichen ut Oevelgönn doröver ünnerhollen, woans dat verleden Johr aflopen is un woans dat dor wiedergahn schall.

Rike Henties un ehr Kreativ-Warksteed op Platt

Rike Henties (links) und Angelika Böhm lächeln in die Kamera. © Rike Henties Foto: Rike Henties
Bi de "Kreativ-Warksteed op Platt" is de Platt-Beopdraagte vun´n Landkreis Horborg Rike Henties (l.) tohoop mit Angelika Böhm (r.) to beleven.

Rike Henties is in’n Landkreis Horborg de Beopdraagte för Plattdüütsch. Un üm mehr Lüüd, junge un ole, an de nedderdüütsche Spraak rantoföhrn, hett sik de 33johrige wat utdacht, wat dat so vörher noch nich geven hett: en Online-"Kreativ-Warksteed op Platt". Söss Videos gifft dat bet nu un dor kann een allerhand lehrn: dat Schöönschrieven to´n Bispeel, woans een en Federtasch neiht oder een Seep sülvst maken kann. Dat Gode dorbi is: De Videos köönt sik ok de Lüüd ankieken, de noch keen Platt snackt. Denn lütt beten Hochdüütsch is dor ok mit bi - un ok en Wöörlist op Platt mit hochdüütsche Översetten hölpt bi´t Verstahn. "Wi snackt Platt"-Reportersche Lina Bande hett sik mal dör de Videos klickt un hett ok en vun de Klüter-Tipps glieks mal sülvst utprobeert.

Ankieken kann en sik de "Kreativ-Warksteed op Platt" ünner annern ok bi´n Landschaapsverband Lümborg.

100 Johr Friedrich Schütter

Amtmann Zaluskowski (Uwe Friedrichsen, links) von der Hamburger Zollfahndung auf der Jagd nach internationalen Zigarettenschmugglern. Hier informiert er sich bei Bloehmer (Friedrich Schütter), dem Chef einer seriösen Zigarettenfirma nach der Marke "Tanga", die im großem Stil geschmuggelt wird. © © NDR/Heyer
Ok in´t Fernsehn weer Friedrich Schütter (l.) faken to beleven. Hier is he in de Fernseh-Reeg "Schwarz Rot Gold" to sehn.

Besinnt Ji Jo ok noch op Fiete Schütter!? Intendant vun´t Ernst-Deutsch-Theater weer he un dor faken ok sülvst op de Bühn as Schauspeler to beleven. Ok as Regisseur un Hörspeel- un Synchronspreker hett he sik en groten Naam maakt: he weer de Stimm vun Ben Cartwrite in de Fernsehreeg “Bonanza”. An´n veerten Januar weer Friedrich Schütter hunnert Johr oolt worrn. Ok wenn he meist sien helet Leven in Hamborg tohuus weer:  De eersten Johrn opwussen is Friedrich Schütter in Sao Paulo in Brasilien. Woans dat weer as he as lütten Jung na Hamborg kamen dä, dat hett he later mal op Plattdüütsch opschreven un vertellt. Freit Jo bi "Wi snackt Platt" op de unvergeten Stimm vun Friedrich “Fiete” Schütter un sien Geschicht “Wedder na Huus”.

Moderatschoon: Jan Wulf

Weitere Informationen
Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1112724.html
NDR 90,3 Livestream

Hamburg am Morgen

05:00 - 10:00 Uhr
Live hörenTitelliste