Wi snackt platt

Braatwust, Godewind un Leessticken

Sonntag, 16. August 2020, 08:30 bis 09:00 Uhr

Bratwürstchen vom Grill. © picture-alliance / Revierfoto Foto: Revierfoto

Braatwust, Godewind un Leessticken

Sendung: Wi snackt platt | 16.08.2020 | 06:00 Uhr | von Wulf, Jan

Bi "Wi snackt Platt" geiht dat dütmol üm de Wust - beter seggt üm de Braatwust. Dorto stellt wi Jo en Lees-sticken vör, de Platt snacken kann un wi hebbt wat Neets ut de plattdüütsche Musikszene för Jo: de Grupp Godewind hett twee ne´e Mitspelers.

Gerrit Hoss sitzt zwischen seinen Gitarren. © NDR
Gerrit Hoss is nu en vun de Sängers vun Godewind.

Bi "Wi snackt Platt" geiht dat dütmol üm de Wust - beter seggt üm de Braatwust. Dorto stellt wi Jo en Lees-sticken vör, de Platt snacken kann un wi hebbt wat Neets ut de plattdüütsche Musikszene för Jo: de Grupp Godewind hett twee ne´e Mitspelers.

Gerrit Hoss singt bi Godewind

Godewind! Düsse Band is wat heel besünners in de plattdüütsche Musikszene: Siet mehr as veertig Johr gifft dat de Grupp, dusende vun Kunzerten hett se speelt un mehr as 30 Alben opnahmen. Verleden Dezember weer Godewind toletzt bi uns in Hamborg to beleven - mit en Wiehnachtskunzert in de Kulturkark Altna. De Avend weer nicht blots en Jubiläumskunzert, man ok en vun de letzten Godewind-Kunzerten överhaupt vun Bandgrünner, Songschriever und Keyboarder Shanger Ohl. De hett nu mit 68 Sluss maakt  un freit sik op dat, wat nu kümmt. Wiedergahn schall dat nu ok ahn em bi Godewind. Toeerst hett de Band rund üm Sängersche Anja Bublitz en niegen Keyboarder söcht un funnen. Kai Lindner is dat nu, en wunnerbaren Musiker, de sünst ok mit Johannes Oerding op de Bühn to beleven is. Jüst hebbt se nu aver noch en Neetogang bekannt geven: Sänger un ok Hör mal´n beten to-Autor Gerrit Hoss. Wi hebbt mit em snackt un em fraagt, woans dat keem mit Godewind, wohen de musikaalsche Reis vun Godewind in Tokunft gahn schall un wat för en Rull he dorbi speelt.

Geiht üm de Wust!

Zutaten für die Bratwurst.
Braatwüst kann en sik ok sülvst maken. Schlachter Andreas Bley ut Hummelsbüddel verklaart, woans dat geiht!

Braatwüst, de möögt wi Düütschen ja besünners geern, man alleen sünd wi dormit nich: de USA to´n Bispeel, de hebbt sogar en egen “Braatwust-Dag”.  Jümmers an´n sösstein August is de. Normalerwies kööpt en sik siene Braatwüst ja heel un deel fardig in´n Laden. So richtige Grillmeister un Leckermüler köönt sik de aver ok sülvst maken! "Wi snackt Platt"-Reportersche Benita Brunnert hett sik mal bi Schlachter “Andreas Bley” in Hummelsbüddel wiesen laten, woans dat geiht.

"Was ist Was"-Leessticken snackt Platt

Kennt Ji ok düsse Leesstickens, de snacken köönt!? Dor kann en sik Billerböker ankieken un mit den Sticken op wat wiesen, wat dor afbillt is un denn verklaart Jo de Stift, wat dor to sehn is oder lett wat höör´n. Kinner köönt dor masse mit lehrn: de eersten Bookstaven to´n Bispeel, wat över Ritterslüüd oder ok Europa. Düsse besünnern Böker un Sticken gifft dat ok ut de Reeg “Was ist Was” - un nu is ok en Versioon op Plattdüütsch rutkamen. "Buernhoff" is dat Thema. Platt-Reporter Frank Jacobs ut Oostfreesland hett sik den Stift un dat Book mal wiesen laten.

Irmgard Harder över "Fröhstückstypen"

Irmgard Harder, Mitbegründerin der Sendereihe "Hör mal 'n beten to", am Mikrofon © NDR / Susanne Obst
Irmgard Harder weer een vun de eersten Autoren bi "Hör mal´n beten to".

An´n 20. August weer se achtunnegentig Johr oolt warrn: uns plattdüütsche Grand Dame vun´n Norddüütschen Rundfunk Irmgard Harder. Bi "Wi snackt Platt" is se nochmal mit en Hör mal´n beten to-Klassiker ut dat Johr 1996 to höör´n: "Fröhstückstypen"" heet dat Stück.

Moderatschoon: Jan Wulf

De Leder in uns Sennen:

Josephine - Lars & Dixi
Land in Sicht - Godewind
Keen Minsch wuss wo dat geiht - Knut Kiesewetter
Eenmal de Dörpstraat - Jan Graf & die Sumpfrohrsänger
Buten Kluten - Ina Müller

 

Weitere Informationen
Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1061552.html
NDR 90,3 Livestream

Hamburg am Nachmittag

15:00 - 19:00 Uhr
Live hörenTitelliste