Wi snackt platt

Psycholoog, Schrieversmann un Fröhjahrsduft

Sonntag, 19. April 2020, 08:30 bis 09:00 Uhr

Ein paar Füße mit einem Smiley auf einem Zeh liegen im Gras. © fotolia Foto: Kathrin39

Psycholoog, Schrieversmann un Bargfröhling

NDR 90,3 - Wi snackt platt -

Wi stellt Jo dat Book “Dor liggt dat gröne, platte Land” vun Hans-Hinrich Kahrs vör un wi snackt mit den Psycholoog Michael Thiel.

3,87 bei 46 Bewertungen

Mit von 5 Sternen

bewerten

Vielen Dank.

schließen

Sie haben bereits abgestimmt.

schließen

Download
Ok jümmers wedder bi "Mein Nachmittag" in´t NDR Fernsehn to beleven: De Psycholoog un Plattsnacker Michael Thiel.

Bi "Wi snackt Platt" stellt wi Jo dütmal dat Book “Dor liggt dat gröne, platte Land” vun den Schrieversmann Hans-Hinrich Kahrs vör, wi snackt mit den Psycholoog Michael Thiel un Benita Brunnert vertellt wat över "Bargfröhling", "Havenfrische" und "Diekduft"...

Wunnerboret Book: "Dor liggt dat gröne, platte Land"

Bild vergrößern
Feine Lektüre för Corona-Tieden, man nich blots dorför: Dat Book "Dor liggt dat gröne, platte Land" vun Hans-Hinrich Kahrs.

Vele harrn sik bannig op den drütten Hamborger Plattdüütsch-Dag an’n 25sten April freit, man nu warrt de wegen de Corona-Maleschen ja opschoven op dat tokamen Johr. Een vun de Schrieverslüüd, de bi´n Plattdüütsch-Dag optreden schullen, is Hans-Hinrich Kahrs. Mit em sien Geschichten, dor hett de „Landschaftsverband Stade“ en ganz wunnerboret Book rutbröcht. “Dor liggt dat gröne, platte Land” heet dat. Feine Lektüre för Corona-Tieden, man nich blots dorför. "Wi snackt Platt"-Reporter Bernhard Koch stellt Jo dat Book un den Autor Hans-Hinrich Kahrs vör - un en Geschicht ut dat Book gifft dat ok to höörn: "De negenuntwinnigste Februaar".

Dat Book „Dor liggt dat gröne, platte Land“ köönt Ji per Telefon bestellen bi´n Landschaftsverband Stade oder Ji ünnerstütt Joon Bookladen jüst üm de Eck, de kann dat ok besorgen. Köst teihn Euro. ISBN 978-3-931879-69-3

Michael Thiel: En Psycholoog un en Rott verklaart Corona

Bild vergrößern
"Hallo, ich bin Manfred" - so heet de ne´e Corona-Kinnerpodcast vun den Psycholoog Michael Thiel un de Stiften Kinderjahre.

Corona is för de Mehrsten vun uns en grote Last. Man dat gifft Lüüd, för de warrt de Last so groot, dat jümehr Seel Hölp bruukt. Michael Thiel is een vun de Minschen, de för düsse Lüüd in jümehr Pien dor is. He is Psycholoog un nich blots för öllere Lüüd dor, sünnern ok för Kinner: tohoop mit sien Fru Anika verklaart he in en Audio-Podcast allens rund üm dat Thema Corona. Dor geiht dat to´n Bispeel ok üm de Fraag, woso Oma un Opa in´n Ogenblick nich to Besöök kaamt. Benita Brunnert stellt bi "Wi snackt Platt" Michael Thiel un dat, wat he deit, vör.

Mehr Infos över Michael Thiel kriegt Ji op siene Websiet un wenn Ji mehr över den Kinner-Podcast “Hallo, ich bin Manfred” weten wüllt, denn gaht man op de Websiet vun de Hamborger Stiften Kinderjahre.

Corona un de Putzdüvel

Bild vergrößern
Corona-Tieden sünd Putz-Tieden, weet Benita Brunnert...

De verleden Weken hebbt vele vun uns Tohuus mal de Saken maakt, de al lang mal an de Reeg weern: so männigeen hett den Goorn op Schick bröcht, in de Stuuv mal so richtig oprüümt oder Böker sorteert. Man dor geev dat ok de Lüüd, de putzt hebbt as de Düvel. So as Benita Brunnert. Bi "Wi snackt Platt"vertellt se en Geschicht dorvun.

Moderatschoon: Jan Wulf

De Leder in uns Sennen:

Radio - Godewind
Lang Tied - Farvenspeel
Born wo de Wind herkümmt - Charly Beutin & seine Schreckschussband
Dat Du mien Leevste büst - Fiede Kay
Mama - Ina Müller

Weitere Informationen
10 Bilder

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1019032.html