Wi snackt platt

Mit een Ballon op grote Fohrt!

Sonntag, 24. Juli 2022, 08:30 bis 09:00 Uhr

Bi "Wi snackt Platt" gaht wi dütmol in de Luft: Gerrit Hoss weer mit en Ballon op grote Fohrt un hett sik Hamborg un den Haven ut 600 Meter Höchde ankeken. // Bei "Wi snackt Platt" gehen wir dieses Mal in die Luft: Gerrit Hoss ist mit einem Heißluftballon auf große Fahrt gegangen und hat sich Hamburg und den Hafen aus 600 Meter Höhe angeguckt.

Up, up and away

Gerrit Hoss ist mit einem Heißluftballon unterwegs. © GErrit Hoss Foto: Gerrit Hoss

Reporter Gerrit Hoss (r.) is bi Ballon-Pilot Jörg Freese (m.) in'n Korv kladdert un hett mit em en Törn dör de Luft maakt. Ok mit dorbi weer ü.a. Ballon-Europmeister Harald Breuß (l.)

"Wi snackt Platt"-Reporter Gerrit Hoss hett den Ballon nich blots mit op- un afbuut, sünnern he is ok sülvst mit in´n Korv kladdert. Dat Leit vun düssen Törn dör de Luft harr Pilot Jörg Freese. Op'n Floogplatz Heist bi Uetersen güng de Fohrt los. Vun dor is de Ballon, den se all blots "Flocke" nöömt, bi Sünnschien un beste Vörutsetten mit den Wind in Richtung Elv fohrt. En wunnerbare Reis weer dat - mit Blick op uns Stadt un den Hamborger Haven.

Harald Breuß: Plattsnacker un Europameister

Ok mit in´n Korv weer - blangen acht annere Plattsnackers - en echten Europameister in´t Ballonfohren: Harald Breuß. He hett op siene tohooprekent meist 150 Fohrten al masse beleevt. Wat, dat vertellt he Gerrit Hoss bi "Wi snackt Platt". Un, kloor, de Ballonfohrer-Döff, de dörf ok nich fehlen. Woso an’t Enn blots noch adelige Lüüd wedder op de Eer ankamen sünd, dat gifft dat bi "Wi snackt Platt" ok noch to weten.

Moderatschoon: Gerrit Hoss

De Leder in uns Sennen:

Op bald - Norma
Wo ik herkam - Helmut Debus
Zampel un Kaffetäng - Willem
De Wind vun Hamborg - Ina Müller
Ik all alleen - Knipp Gumbo

Weitere Informationen