Wi snackt platt

Wi weern op dat Füerschipp "Elbe 3" in'n Museumshaven Oevelgönn to Besöök un hebbt mit dree Lüüd ut de Kru snackt (v.l.n.r.): Roland Theer, Martin von Eitzen un Helmut Fock.

Dütmal sünd wi bi "Wi snackt Platt" op dat Füerschipp "Elbe 3" in’n Museumshaven Oevelgönn to Besöök, wi stellt Jo dat plattdüütsche Hörspeel "Ole Leev" na den Roman „Alte Liebe“ vun Elke Heidenreich un Bernd Schroeder vör. Un twee wiehnachtliche Geschichten vun Gerd Spiekermann un Gerrit Hoss hebbt wi ik noch för Jo.

To Besöök op de "Elbe 3" in'n Museumshaven Oevelgönn

Dat ole Füerschipp „Elbe 3“ is würklich een besünnert Smuckstück. Siet 1979 liggt dat füerwehrrode Schipp in’n Museumshaven Oevelgönn, man düt Johr weer de „Elbe 3“ lange Tiet weg. Op een Warft is se mit veel Opwand wedder op Schick bröcht worrn. Bernhard Koch, de hett sik annerletzt mal mit dree Lüüd ut de Kru - mit Roland Theer, Helmut Fock un Martin von Eitzen - över de Tiet op’e Warft un över de Historie vun’t Schipp ünnerhollen.

Henwies: wenn Ji Lust hebbt, mittohölpen op de "Elbe 3" köönt Ji dor in'n Museumshaven Oevelgönn jedeen Sünnavendmorgen vunaf Klock 10 eenfach mal vörbigahn un mit de Lüüd vun dat Füerschipp snacken – oder Ji kiekt mal op de Internetsiet vun’n Museumshaven Oevelgönn vörbi. Dor gifft dat ok noch masse mehr Infos över dat Füerschipp, man ok över all de annern wunnerboren olen Scheep, de in’n Museumshaven liggen doot.

Weitere Informationen

To'n Aboneern: De "Wi snackt Platt"-Podcast

Wat an plattdüütsche Kultur op de Bühn, in de Literatur oder in Films löppt - Ji kriegt dat mit bi "Wi snackt Platt" vun NDR 90,3. mehr

"Ole Leev" - Een plattdüütschet Hörspeel

De Ohnsorg-Schauspelersch Meike Meiners hett den Roman "Alte Liebe" vun Elke Heidenreich in’t Plattdüütsche bröcht un dorut een szenische Lesen för twee Personen maakt.

Düssen Middewekenavend (14. Dezember 2022) vunag fief na negen, dor is mal wedder Tiet för uns Plattdüütsch Hörspeel bi NDR 90,3. Dütmal höört Ji en Stück, dat op den Roman „Alte Liebe“ vun Elke Heidenreich un Bernd Schröder törüch geiht. Ohnsorg-Schauspelersch Meike Meiners, de hett den Roman in’t Plattdüütsche bröcht un dorut een szenische Lesen för twee Personen maakt. Tohoop mit Ohnsorg Schauspeler Oskar Ketelhut, de ok in’t würkliche Leven Meike Meiners ehr Levenspartner is, weer se mit dat Stück ok al op’e Bühn to beleven. Man nu gifft dat „Ole Leev“, so heet dat Stück, ok as Hörspeel op’e Ohrn. Ilka Brüggemann vertellt Jo bi "Wi snackt Platt" mehr över dat Stück.

Weitere Informationen

Hörspiel: "Ole Leev"

Lore und Harry haben sich über die Jahre auseinandergelebt. Erst die Pläne ihrer Tochter bringen beide wieder zusammen. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Töven op Wiehnachten un "Op den Wiehnachtsmarkt"

Wiehnachtstiet is Geschichtentiet - un dütmal gifft dat bi "Wi snackt Platt" glieks twee wiehnachtliche Geschichten to höörn. Gerd Spiekermann vertellt vun dat "Töven op Wiehnachten" (natolesen in dat Book "Schöne Wiehnachten", rukamen in'n Quickborn Verlag) un vun Gerrit Hoss höört Ji een Geschicht, de he 2018 mal op en Plattdüütschen Poetryslam vertellt hett - "Op den Wiehnachtsmarkt" heet de.

Moderatschoon: Jan Wulf

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr