Wi snackt platt
Sonntag, 13. März 2022, 08:30 bis
09:00 Uhr
Bi "Wi snackt Platt" speelt wi dütmal veel wat mit uns plattdüütsche Spraak. Un woans kunn dat beter gahn as op en Poetry Slam. An'n 14. März heet dat in't Ohnsorg-Theater "Poetry-Slam - Plattdüütsch vs. Hochdeutsch". NDR 90,3 "Wi snackt Platt" is mit dorbi un maakt Jo dor nu al mal'n beten Lust op. Wi vertellt, wat dat egens is, en Poetry Slam, un höört ok mal rin in den een oder annern Text vun en Poeten.
Plattdüütsche Höörspelen för Kinner
Un dormit ok in vele Johrn noch Platt snackt warrt, mutt een vundaag al gegenanstüern un bi uns Kinner anfangen un jüm dat bibringen. Anners warrt dat uns plattdüütsche Spraak jichtenswann nich mehr geven. Un dor gifft dat nu en Projekt to, wat hölpen deit, so dat wi uns Kinner ganz eenfach bi't Spelen al mit Platt tohoopbringen doot. Dat sünd Höörgeschichten, dör de de Lütten in uns plattdüütsche Spraak so'n beten wat indükern köönt. Op'e Been stellt hett düt Projekt de Bunsraat för Nedderdüütsch un dat Nedderdüütschsekretariat tohoop mit dat Lännerzentrum för Nedderdüütsch un dat Institut för nedderdüütsche Spraak. Bi "Wi snackt Platt" stellt wi Jo dat Projekt för. Mehr dorto un de Geschichten finnt Ji hier: Plattdüütsche Höörspelen för Kinner
Moderatschoon: Jürgen Fitschen
De Leder in uns Sennen:
Charmonia – Help
Lui & Fiete – Rollin Home
Wattenläufer - De Stävels sünd toon Wannern
Nick, Yared & Floy feat. The Charchullas - These boys must be free
Knipp Gumbo - Kring ut Füer
Schlagwörter zu diesem Artikel
Plattdeutsch
