Wi snackt platt

"Tohuus" - dat is uns Thema düt Johr bi uns plattdüütsche Schrievakschoon.

"Tohuus" - dat is uns Thema düt Johr bi "Vertell doch mal", uns plattdüütsche Schrievakschoon, wo de NDR tohoop mit Radio Bremen un dat Ohnsorg-Theater Joon Geschichten to söken deit. Un nich bang ween, dat Platt mutt nich perfekt ween, denn Hauptsaak is, dat Ji Spaaß hebbt bi't Schrieven. Dat köönt Saken ween, de Ji in'n Alldag tohuus beleevt hebbt, en Krimi, de tohuus spelen deit oder oder oder… Eenunhalf Sieten dröfft Joon Geschicht lang ween, bet Enn Februar mutt se in'e Post liggen un'n beten wat an Geld kann een ok noch bi winnen. Schull Jo blots de Idee dorto noch fehlen, denn höört Ji Sünndag bi "Wi snackt Platt" twee Geschichten ut uns Reeg "Hör mal 'n beten to", de sik üm dat Thema "Tohuus" dreihen doot. De een kummt vun Gerd Spiekermann, de anner vun Reimer Bull un villicht bringt Jo dat ja op en Gedanken to Joon Geschicht.

Yared Dibaba wiest uns sien Tohuus: Altna

Yared Dibaba - Botschafter vun "Vertell doch mal" 2023.

So as de annern Johrn ok al, hebbt wi uns ok düt Johr wedder Stütt haalt vun en Promi - wenn een so will uns "Vertell doch mal"-Platt-Boschafter. Vörverleden Johr, 2021, weer dat Ina Müller, 2022 Santiano un düt Johr is dat Yared Dibaba. Un Sünndag höört Ji em bi "Wi snackt Platt", wo he uns passlich to't Thema sien "Tohuus" wiesen deit, sien Stadtdeel bi uns in Hamborg: Altna. Benita Brunnert is för ne Tiet lang mal mit em in Altna ünnerwegens ween.

Weitere Informationen

"Vertell doch mal": Die besten Geschichten stehen fest

Bis zum 15. März konnten Sie am plattdeutschen Schreibwettbewerb von NDR, Radio Bremen und dem Ohnsorg-Theater teilnehmen. mehr

To Besöök bi en Schoolbibliothekarin

Katrin Luckmann - Bibliothekarin an'e Heinrich-Hertz-School in Hamborg-Winterhuud.

"Platt bi de Arbeit" - so heeet uns Reeg, wo Bernhard Koch ümmer geern mal bi plattdüütsche Lüüd an jümehrn Arbeitsplatz vörbikieken deit un sik dor'n beten wat to vertellen lett. Woans süht jümehr Arbeitsalldag ut un wat beleevt se dor so allens bi? Dütmal is Bernhard Koch to Besöök bi en Schoolbibliothekarin - bi Katrin Luckmann in'e Heinrich-Hertz-School in Hamborg-Winterhuud. Kloor, för ehr speelt Böker en grote Rull, man dat gifft een Book, dat ehr fröher as Kind dorto bröcht hett, ok mit Plattdüütsch antofangen. Wat dat för en Book is, dat höört Ji Sünndag bi "Wi snackt Platt" un woans een överhaupt dorto kamen deit, Schoolbibliothekarin to warrn.  

De Leder in uns Sennen:

Rüdiger Wolff - Laat di Tiet
Charmonia - Help
Otto Groote Ensemble - Straat nah Westen
Knipp Gumbo - Kring ut Füer
Lui & Fiete - Rollin' Home

Moderatschoon: Jürgen Fitschen

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr