Wi snackt platt

Ok de Schrieversmann Bolko Bullerdiek is op de CD "Luuster mal torüch" to höörn. He leest en Gedicht över en Fabrikschosteen, schreven vun Hermann Claudius.

Bi "Wi snackt Platt" gifft dat dütmal Geschichten un Gedichten ut fröhere Tieden to höörn - vörleest vun Liddmaten vun de Hamborger Quickborn-Vereenigung.

AUDIO: Wi snackt Platt: "Luuster mol torüch" (30 Min)

Geschichten vun Hermann Claudius, Wilfried Wroost un anner Schrieverslüüd

Geschichten un Gedichten op Platt, vördragen vun Liddmaten vun de Hamborger Quickborn-Vereenigung. De CD "Luuster mol torüch" is in'n Quickborn-Verlag rutkamen.

Vele Noorddüütsche hebbt plattdüütsche Geschichten geern. Se sülvst to lesen, dor hett so männicheen denn aver doch keen Lust to. Wo goot, dat dat plattdüütsche Höörböker gifft! De Quickborn-Verlag, de hett in´t Fröjohr de CD "Luuster mal torüch" rutbröcht. Dorop: wunnerbare Geschichten un Gedichten vun historische Schrieverslüüd, de all wat mit Hamborg to doon harrn un de een beto eher selten to hören kregen hett. Utsöcht hebbt de Texten fief Maten vun de Quickborn-Vereenigung för nedderdüütsche Spraak un Literatur e.V. in Hamborg. Mit dorbi weern Christiane Batra, Bolko Bullerdiek, Johanna Kastendieck, Petra Kücklich un Heiko Thomsen. Se all sünd op de CD ok as Vörleser to höörn un hebbt jümehrn Job bannig goot maakt. Freit Jo bi "Wi snackt Platt" op lütte Apptiethappens vun "Luuster mol torüch" un op Geschichten vun de Schrieversminschen Hertha Borchert, Magreta Brandt, Hermann Claudius, Joachim Mähl und Wilfried Wroost.

Moderatschoon: Bernhard Koch

De Leder in uns Sennen:

Twischen twee Meeren - Godewind
Rotten op´n Böön - Liekedeler
Mit Zampel un Kaffetäng - Willem
Postbüdel - Speellüüd
Leev kaam un bliev in mien Huus - Knipp Gumbo

Weitere Informationen

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr