Wi snackt platt

Ina Müller, Harald Ringstorff un de Peking

Sonntag, 29. November 2020, 08:30 bis 09:00 Uhr

Sängerin und Moderatorin Ina Müller © Sandra Ludewig · © Sony Music Foto: Sandra Ludewig

Ina Müller, Harald Ringstorff un de Peking

Sendung: Wi snackt platt | 27.11.2020 | 17:00 Uhr | von Wulff, Jan

Bi “Wi snackt Platt” mit Jan Wulf geiht dat dütmal üm Ina Müller, Harald Ringstorff un de Veermastbark Peking.

Die "Peking" steht bei Sonnenschein in einem Hafen. © NDR Foto: Screenshot
Woans hett dat Leven op de Peking fröher utsehn? Heinz Dieter Reimers kennt woll meist jede Geschicht över dat Schipp. Bi "Wi snackt Platt" vertellt he dorvun.

Wo is för Ina Müller Hamborg noch würklich Hamborg, wat maakt se so richtig hibbelig un wannehr is se ok mal unvernünftig!? De Antworten dorop gifft dat bi Jan Wulf in uns Sennen "Wi snackt Platt". Denn vertellt wi Jo ok noch, woans dat Leven op de Peking fröher utsehn hett, un dat geiht üm Harald Ringstorff. De Ex-Ministerpräsident vun Meckelnborg-Vörpommern, de en Plattdüütschen dörch un dörch weer, is an'n 19. November in't Öller vun 81 Johr storven.

"Wi snackt Platt" mit Ina Müller

Sängerin und Moderatorin Ina Müller © Sandra Ludewig · © Sony Music Foto: Sandra Ludewig
An´n 20. November is Ina Müller ehr ne´et Album "55" rutkamen.

An'n twinnigsten November is Ina Müller ehr ne'et Album "55" rutkamen. An düssen Dag weer se NDR 90,3 via Internet toschalt un Jan Wulf hett mit ehr snacken kunnt. Kloor, dat he dat nich blots op hochdüütsch doon hett, sünnern ok op Platt!  En lüttet Speel hebbt de Twee speelt, en beten so as Ina Müller dat jümmers bi sik in ehr Fernsehsennen “Inas Nacht” maakt, wo de Fragen op Beerdeckels staht: Jan Wulf hett kort wat to "Düt un Dat" fraagt un Ina Müller hett dorop gau antert. Un wat se antert hett, dat köönt Ji jo bi "Wi snackt Platt" anhöörn.

Geschichten vun de "Peking"

Siet September liggt de Veermastbark “Peking” nu achter dat Havenmuseum bi de 50er Schuppen an'n Hansahaven. Besökers dörvt dor noch nich rop. Eerst vunaf tokamen Johr köönt wi uns dor ankieken, woans dat Leven an Boord vun so en Seilschipp fröher weer. "Wi snackt Platt"-Reporter Gerrit Hoss, de kunn dat nich aftöven. Op de Söök na en beten Seefohrer-Romantik hett he an´n Pier bi de "Peking" en Mann drapen, de meist jede Geschicht över dat ole Seilschipp kennt: Heinz Dieter Reimers.

Harald Ringstorff is doot

Harald Ringstorff (SPD), Ministerpräsident von Mecklenburg-Vorpommern © Picture-Alliance/dpa Foto: Rainer Jensen
He weer en Plattdüüütschen dörch un dörch: an´n 19. November is Harald Ringstorff, de vun 1998 bet 2008 Ministerpräsident vun Meckelnborg-Vörpommer weer, in't Öller vun 81 Johr storven.

20 Johr lang weer Harald Ringstorff Ministerpräsident vun Meckelnborg-Vörpommern. Vun 1998 an bet 2008. Veel hett Harald Ringstorff as Politiker un Ministerpräsident dorför doon, dat de Plattdüütsche Spraak wiederleevt: Plattdüütsch in de School, op Plattdüütsch singen, snacken, lesen - all dat weer em wichtig. Vör anderthalf Weken, an´n negenteihnsten November, is he nu in't Öller vun 81 Johr storven.

Moderatschoon: Jan Wulf

De Leder in uns Sennen:

Hamborger Veermaster - Achim Reichel
De Wind vun Hamborg - Ina Müller
Mama - Ina Müller
De iesige Gesell - Knut Kiesewetter
Winterdanz - Godewind

 

Weitere Informationen
Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

Sängerin und Moderatorin Ina Müller © Sandra Ludewig · © Sony Music Foto: Sandra Ludewig

Ina Müller: Neues Album "55" erscheint

Am Freitag erscheint das neue Album "55" von Ina Müller. Im Stadtgespräch spricht sie über Lieder und das Leben in Corona-Zeiten. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1097672.html
NDR 90,3 Livestream

Hamburg am Vormittag

10:00 - 13:00 Uhr
Live hörenTitelliste