Wi snackt platt

Peer-Marten Scheller, Marmsdörp un Wacken

Sonntag, 02. August 2020, 08:30 bis 09:00 Uhr

Der Chef vom Hamburger Quickborn-Verlag Peer Marten Scheller. © Bernhard Koch Foto: Bernhard Koch

Wi snackt Platt: Peer Marten Scheller, Marmsdörp un Wacken

NDR 90,3 - Wi snackt platt -

Bi "Wi snackt Platt" sünd wi dütmal mit Heiner Behrens in Marmsdörp ünnerwegens, wi stellt Jo den Bookverlegger Per-Marten Scheller vun´n Quickborn-Verlag vör, dorto kiekt wi mal in dat Heavy-Metal-Dörp Wacken in Sleswig-Holsteen vörbi un wi hebbt en Hör mal´n beten to Klassiker vun Wolfgang Sieg för Jo.

5 bei 1 Bewertungen

Mit von 5 Sternen

bewerten

Vielen Dank.

schließen

Sie haben bereits abgestimmt.

schließen

Download
So süht dat normalerwies bi dat Heavy-Metal-Festival in Wacken ut. Düt Johr hebbt se dat Wacken Open Air 2020 wegen Corona afseggt. Wi weern liekers mal in dat lütt Dörp in Sleswig-Holsteen to Besöök.

Bi "Wi snackt Platt" sünd wi dütmal mit Heiner Behrens in Marmsdörp ünnerwegens, wi stellt Jo den Bookverlegger Per-Marten Scheller vun´n Quickborn-Verlag vör, dorto kiekt wi mal in dat Heavy-Metal-Dörp Wacken in Sleswig-Holsteen vörbi un wi hebbt en Hör mal´n beten to Klassiker vun Wolfgang Sieg för Jo.

De Baas vun´n Quickborn-Verlag: Peer-Marten Scheller

Bild vergrößern
Siet 1985 is Peer-Marten Scheller de Baas vun´n Quickborn-Verlag in Hamborg.

Opwussen in en Bookhändlerfamilie in Dithmarschen, hett Peer-Marten Scheeler al in sien Kinnertiet veel mit Böker to doon hatt. Na en Drucker-Volontariat keem en Verlagslehr bi Rowohlt an de Reeg. Söss Johr hett he denn in Frankfurt arbeidt, ehr dat he un siene Fro Gesche to weten kreegen, dat de Hamborger Quickborn-Verlag to köpen weer. Siet 1985 is Peer-Marten Scheller nu Baas vun den Traditschoonsverlag an de Grenz vun Heimfeld un Horborg. "Wi snackt Platt"-Reporter Bernhard Koch hett em annerletzt besöcht un stellt em un siene Arbeidt vör.

Op de Söök na den "Geist vun Wacken"

Bild vergrößern
Wegen Corona gifft dat düt Johr keen Heavy-Metal-Festival in Wacken. Düsse dree Fans sünd liekers kamen.

Wacken - een Woort un woll de Mehrsten vun uns weet Bescheed: dat geiht üm Heavy Metal-Musik un dat grote Festival, dat se dor in dat lütt Dörp nu al siet dörtig Johr fiern doot. Düt Johr aver nich! Wegen Corona hebbt de Böversten vun´t Festival allens afseggt, wat de OpenAir-Kunzerten angeiht. Verleden Middeweken weer in Wacken egentlich de Optakt för´t Wacken Open Air 2020 ween un "Wi snackt Platt"-Reporter Gerrit Hoss, de weer so trurig doröver, dat he düt Johr nich op dat Festival gahn kunn, dat he liekers mal in Wacken in Sleswig-Holsteen vörbi keken hett: op de Söök na den "Geist vun Wacken". Wüllt wi mal seh´n, wat he em funnen hett!

Mit Heiner Behrens op´n Padd in Marmsdörp

Bild vergrößern
De Fuerdiek in Marmsdörp.

104 Stadtdelen hett uns Stadt - un mien Kolleegsch Benita Brunnert will se all besöken un dor Plattsnackers drapen.  Dütmal is se in´n Süüdwesten vun Hamborg, kort vör Neddersassen ünnerwegens: in Marmsdörp. Heiner Behrens is Marmsdörper in veerte Generatschoon. Mit em geiht dat dörch den olen Dörpskern, an wunnerschönen tweehunnert Johr olen Fachwarkhüüs vörbi bet hen na de Operstehungskark, de se 1959 inwieht hebbt.

"Meeresruschen" mit Wolfgang Sieg

Bild vergrößern
Kennt Ji dat ok? Eenfach mal dat Ohr an en holen un dat Meer ruschen hör´n!

He weer en ganz wunnerbaren Satiriker un vele Johrn ok en vun uns Autoren bi Hör mal´n beten to: Wolfang Sieg. Bi "Wi snackt Platt" höört Ji nochmal en Geschicht, de he in´t Johr 2002 opnahmen hett: de Geschicht vun´t "Meeresruschen".

Moderatschoon: Jan Wulf

De Leder in uns Sennen:

Land in Sicht - Godewind
De Summer - Knut Kiesewetter
Zitronenboom - Queen Bee
Born, wo de Wind herkümmt - Charly Beutin
Wulken, Wind un Meer - Lars un Timpe

 

Weitere Informationen
10 Bilder

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Plattdeutsch bei NDR 90,3

Ob "Wi snackt Platt", "Hör mal´n beten to", "Narichten op Platt" oder unser Wochenrückblick "Düsse Week": hier sind die plattdeutschen Angebote von NDR 90,3 auf einen Blick. mehr

 

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1054702.html