Sendedatum: 06.06.2018 20:10 Uhr  | Archiv

Werner Momsen is niege Platt-Botschafter

Eegentli müss de niege Botschafter na Knigge je mit "Exzellenz" anschnackt warrn, man dat is nich sien Ding. Detlef Wutschik alias Klappmuulpopp Werner Momsen krempelt lever de Ärmel hooch un warvt nu ok ehrenamtlich för dat Plattdüütsche Theoter. He, de Popp, is "blots" ut Schuumstoff, man, wenn een nipp un nau henkieken deit, markt een, dat he allens is, man blots nich holl. He is een präzise Beobachter, analyseert den Wahnsinn un de Macken vun uns mallen (post)moderne Tied. So, as dat in'de Sendereeg "Hör mal'n beten to" vun' NDR to höörn is. Denn markt een, in Momsen stekt een Philosoph, een  Minschenfrüünd, een wat de Not süht, avers dat Reddende ok.

VIDEO: Freude bei Momsen: Er ist Platt-Botschafter (1 Min)

Mit duppelt  Knööf - vulle Fohrt vörrut

Uttekent as Platt-Botschafter het em Platt-Botschafterin in un Schauspeelerin Sabine Kaack in de historische Winkelschüün vun't Freilichtmuseum Molfsee. Se freut sik doröver, dat Werner Momsen un sien Achtermann ehr nu in Tokunft bi de Arbeit för den Nedderdüütschen Bühnenbund  ünnerstütten warrt. Dat so een "Duppel"-Gespann richtig good fungscheneert, hebbt Momsen un Kaack all in'e letzden Monate ünner Bewies stellt. Mit ehre originellen "offenen Castings" hebbt se ton Bispill in Kiel un Niemünster een Dutt junge Lüüd för't plattddüütsche Theoter begeistern kunnt, wat sik sunst "Platt is cool, aber ich kann das gar nicht richtig" nich truut harrn.

Die Puppe Werner Momsen, gespielt von Detlef Wutschik, wird von Sabine Kaack zum Plattbotschafter ernannt. © NDR Foto: Lornz Lorenzen
AUDIO: Feierliche Ernennung und Amtseid (1 Min)

Nedderdüütsch Theoter - immateriellet Kulturarv siet 2014

Dat Nedderdüütsche Theoter is all 2014 in'e Unesco List vun't immaterielle Kulturarv opnahmen worrn. Alleen ünner dat Dack vu' Nedderdüütschen Bühnenbund sünd 16 Bühnen organiseert. Verleden Johr hebbt se 900 Vörstellungen speelt. Wiet mehr as 100.000 Tokiekers weern dorbi.

Vullet Programm bit tokamen Sünnavend

Bit tokamen Sünnavend, den 9. Juni wiesen de nedderdüütschen Bühnen in Molfsee noch interessante Opföhren. Morrn Dunnersdag löppt de Komödie "Meister Anecker" vun de NB Elmshorn. Friedag is de NB Rendsborg an de Reeg mit'n Schwank "Tante Adele" rüümt op. Sünnoven heet dat "Bliev doch to'n Fröhstück" - mit de Schleswiger Speeldeel.

Dieses Thema im Programm:

NDR 1 Welle Nord | Moin! Schleswig-Holstein – Von Binnenland und Waterkant | 06.06.2018 | 20:10 Uhr

Livestream NDR 1 Welle Nord

NDR 1 - Die beste Musik für den Norden

21:00 - 23:00 Uhr
Live hörenTitelliste