De Bövelsten vun de Ampelregeren sünd sik enig worden över een Plaan to den ne’en Huusholt. Wat se nipp un nau uthannelt hebbt, wüllt se hüüt Meddag op en Presskunferenz künnig maken. Bunnskanzler Olaf Scholz, Wirtschoppminister Robert Habeck un Finanzminister Christian Lindner harrn de hele Nacht doröver snackt, woans’n dat Milliarden-Lock toschüffeln kunn. Dat weer ja opreten, nadem dat Bunnsverfatengericht ok den Huusholt för’t tokamen Johr nich harr dörchgahn laten.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten56120.html