Wi snackt platt

Fundstücke ut de Hamborger Geschicht

Sonntag, 19. Februar 2017, 08:30 bis 09:00 Uhr

Mit 84 Johr nochmal na School - Hermann Bärthel.

Siet Johren is Hilda Thiemann bi un sammelt Informationen öber ehr Dörp op de Süderelv. Ehr Book "500 Jahre Neugraben" is al öber dusend Maal verköfft. Hamborger Geschich interesseert de Lüüd ok an´t anner End vun uns Stadt. "Wensenbalken - Auf der Suche nach einer kleinen Siedlung" heet de Schrift vun Jens Kögel in Bargstedt. Beide vertellt in de Sennen öber de Faszination Heimatforschung. Ok Wolfgang Frenzel in Neegraben wohrt en historischen Schatz. He hett en grote Kartei mit Biller, Utsnitte, Postkorden usw. - Dokumente ut de Hamborger Olldagskultur vun verleden Johrteihnte. Mit siene 89 Johr will Frenzen den wertvullen Bestand nu in gode Hannen afgeven. Wokeen sik för dat Arv interesseert, de schall sik mellen bi 903platt@ndr.de.

Wi snackt Platt - Wokeen noch?

Mit 80 is Hermann Bärthel opholen as Autor in uns Reeg "Hör mal beten to". Still worrn is he liekers nich. In en School in Barmbek dröppt he sik mit negen Johr ole Kinner un bringt jüm mit de plattdüütsche Spraak in Kontakt. Op anner Ort will Mirko Meyer dat Plattdüütsche anschuven. De junge Mann ut Lübeck verdeelt Ansteker. Wokeen een hett, de wiest: "Mit mi kannst Platt snacken". Dat is en lütten güllen Ring, de nich komplett is. En gröne Lücke schall bedüden - hier is en Lock twüschen de Generationen, un dat wüllt wi slüten.

Wenn Ji ok wat Interessants op Platt to vertellen hebbt, denn meldt Jo bi 903platt@ndr.de.

Moderation: Jochen Wiegandt

Musiktitel

  • Gnadenlos Platt: Ik heff Sehnsucht
  • Fiede Kay/Ursel Wolf: Is dat öberhaupt noch Platt
  • Yared und die Schlickrutscher: Land in Sicht
  • Volkert Ipsen: Ik bün Bürgermeister
  • Drownes and Bellows: Ströntistel

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung611500.html