Norichten op Platt

Ut Hamborg und de wiede Welt von moondaags bit sünnovends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Immobilienpries in Hamborg

Immobilien in Hamborg warrt ümmer dürer. In een Johr sünd de Priesen för Neebo-Wahnungen üm dörteihn Prozent stegen. Dat is ut den Immobilienatlas vun de Bosporkass LBS ruttolesen. Günstige Lagen so as Jenfeld un Lokstedt sünd twintig Prozent dürer worrn. En Enn is nich aftosehn. Liggt an de gode Wirtschop. De LBS glöövt ok nich an en wat se seggt Immobilien-Blaas.I Stand: 29.03.2017, kl. 9:30

Brexit

Grootbritannien stellt vundaag den Andrag, dat se rut wüllt ut de EU. Negen Maand na dat Referendum. Dormit künnt se nu losleggen mit dat Verhanneln. Twee Johr hebbt se Tiet dorto. Op de anner Siet hett dat Parlament in Schottland güstern Avend en nee´t Unabhängigkeits-Referendum beslaten. Schull dat den Brexit würklich geven will de Regeren in Schottland rut ut Grotbritannien. Se wüllt in de EU binnen blieven. I Stand: 29.03.2017, kl. 9:30

Trump un de Klimaschutz

US-Präsident Donald Trump schafft wichtige Regeln bi den Klimaschutz af. Güstern hett he dorto en Dekreet ünnerschreven. Wat he seggt, is dormit denn de Krieg gegen de Kohle touurt. Mit den Schritt schall dat ok vele ne´e Jobs geven. Ümweltgruppen wüllt dorgegen aver klagen. Ok de EU un dat Bunnsümweltministerium bekrittelt de Energiepolitik vun Trump. I Stand: 29.03.2017, kl. 9:30

Hamborger Börgerschop

Dat een sik vull verschleiern deit, schall in Hamborg vun Gesett wegen överall verbaden warrn. Dat fordert de Hamborger AfD. Doröver wüllt se vundaag in de Hamborger Börgerschop afstimmen. Dat gifft aver ok noch anner Andrääg to düt Thema: So will de CDU en Burka-Verbott man blots an´n poor Steden so as Scholen, Kinnergordens oder Gerichten. I Stand: 29.03.2017, kl. 9:30

Flüchtlingsheim in Blanknees

In Blanknees kann nu doch noch en Flüchtlingsheim boot warrn. Geev jo lang Striet dorüm. Nu hebbt en Naver un de Stadt Hamborg en Vörslagg vun dat Verwaltensgericht annahmen. Dorno mööt de Pavillons an´n Björnsonweg na söven Johr weer afboot warrn. Den Bo vun een annert Flüchtlingsheim an´n Duvenacker in Eidelsteed hebbt de Richters aver eerstmaal stoppt. I Stand: 29.03.2017, kl. 9:30

Uurdeel vun´t Sportgericht

Twee Spelers un en Tokieker drööft nu eerstmal lang nich mehr op´n Footballplatz rop. So hett dat nu dat Sportgericht vun den Hamborger Footballverband beslaten. Vör een Week geev dat Arger bi en Kreisliga-Speel twüschen "Rot-Weiß Wilhelmsburg" un "Vorwärts Ost". Dor hebbt se den Schiedsrichter pett un slaan. Dat Speel müssen se afbreken. Een Speler is nu för tweeunhalf Johr sparrt, en anner Speler un en Tokieker sünd för minnst een Johr lang utslaten worrn. I Stand: 29.03.2017, kl. 9:30

Exakt un kompakt - Dat Wedder för uns in Hamborg

Vundaag warrt dat ganz anners as güstern: Veel Wulken un Regen. Eerst to´n Namiddag hin blifft dat denn ok maal dröög. Dat Thermometer geiht rop op bet to veerteihn Graad. Hier un dor kann dat ok maal en starken westen Wind geven, to´n Avend hin warrt dat aver ok hier weniger. De Utsichten: Ok morgen gifft dat Regen, dat warrt aver warmer bi üm un bi achteihn Graad. I Stand: 29.03.2017, kl. 9:30

Na Brandanslag op Polizeiautos

Na den Brandanslag op poor Polizeiautos un den Bericht vun de Polizei snackt se düchtig över de Sekerheit bi'n G20 Gipfel. En linksradikale Grupp hett seggt, se stickt achter den Brandanslag. De Oppositschoon wohrschaut nu al, dat gifft in'n Juli Chaos un fordert Sekerheit för de Hamborger Polizei. En anner linksradikale Bewegen hett seggt, se warrt den Gipfel störn un blockeert de Tofohrtsweeg. //Stand 28.03.2017 Klock 9:30

Podcast

Norichten op Platt als Podcast

NDR 90,3

Ut Hamborg und de wiede Welt von moondaags bit sünnovends: die aktuellen Nachrichten auf Plattdeutsch. mehr

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag un Fierdag Klock 8.30. mehr

Hör mal 'n beten to: Plattdeutsche Morgenplauderei

Die plattdeutsche Morgenplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

05:56 min

Tigran Hamasyan: Egyptian Poet

30.03.2017 14:20 Uhr
NDR Kultur
07:01 min

Tigran Hamasyan live bei NDR Kultur

30.03.2017 14:20 Uhr
NDR Kultur
30:02 min

7 Tage... im Ballett

29.03.2017 23:50 Uhr
7 Tage