Norichten op Platt

Ut Hamborg und de wiede Welt von moondaags bit sünnovends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Nordafrika: Angreep op Extremisten

Na´n Terroranslag op Christen mit mindst achtuntwintig Dode hett Ägypten en Utbildenslager vun militante Islamisten angrepen. Dat leeg in de ostlibysche Stadt Derna un is dat Quarteer vun´n sonöömten Schura-Raat vun de Mudschaheddin. Dat millt de staatliche Narichtenagentur Mena - un as de Fernsehsender Al-Arabiya sä, hett dat woll ok Dode ünner de Extremisten geven. I Stand: 27.05.2017, kl. 9:30

Wiedere Fastnahmen no Manchester

De britische Polizei hett vundag fröh twee Lüüd fastnahmen. Mach ween, dat se wat mit´n Anslag in Manchester to doon hefft. An´n Mondag hett en Mann tweeuntwintig Minschen ümbröcht un dat hett dorto en Reeg Verletzte geven. Altohoop sünt in´n Fall nu al dörteihn Lüüd inkasseert worrn - un twee dorvun ok al weer lopen laten. De Polizei glöövt, dat en heel‘ Netwark dorachter stickt. I Stand: 27.05.2017, kl. 9:30

G7-Drapen in Italien

Op Sizilien endt vundag dat Drapen vun de G-Söven. Dor is man nich so recht wat bi rutsuert. US-Präsident Donald Trump hett veel blockeert. Dorto denkt he doröver na, ut‘n Klima-Pakt vun Paris ruttogohn. To´n Slut vun´t Drapen kummt vundag Vertreder vun afrikaansche Staaten dorto. Se schnackt all tosamen över de Flüchtlingskries un Hunger. I Stand: 27.05.2017, kl. 9:30

Bardörp hett Wohnruum för de Jungen

In dat ne´e Wohnrebeet an Mittleren Landweg in Bardörp schüllt bald ok junge Hamborger rin. Dacht is´t egens för tweedusendfiefhunnert Flüchtlinge. Bardörps Bezirksamtsbaas Arne Dornquast glöövt man, dat dor in´t tokamen Johr Wohnungen frei warrt. Ünner annern wegen‘n direkten S-Bahnanslut na de Binnenstadt wüer dat för Studenten sünnerlich attraktiv. I Stand: 27.05.2017, kl. 9:30

Springderby in Lütt Flottbek

Bi´n Spring- un Dressurderby in Lütt-Flottbek löppt vundag Namiddag dat Springen mit´t höchste Priesgild vun de Turnierweek. Bi´n Groten Pries vun Hamborg geiht dat üm dreihunnertdusend Euro. Mit dorbi sünt süss Rieder ut de Top-Ten vun Weltranglist. I Stand: 27.05.2017, kl. 9:30

A7 warrt sparrt

Autoföhrer op de A-Söven mööt sik vundag Ovend dorop instellen, dat se nich so gau vöran kummt. De Autobahn warrt twüschen Henstedt-Ulzborg un Koldenkarken heel sparrt - acht Stünnen lang. Se wüllt bi Koldenkarken en Hülpsbrück insetten. In de Mitt vun‘n Juni schall de olle Brück afreten warrn un mit süss Sporen ne boot. I Stand: 27.05.2017, kl. 9:30

Exakt un kompakt: Dat Weer för uns in Hamborg

Dat gifft ‘n heelen Dag lang Sünn - bi achtuntwintig bet dörtig Grod un dorto ‘n lütt beten Winn ut Südoost. An´n Sünndag kummt ´n poor Wulken dorto. Dat mach ok ‘n beten regen. An´n Namiddag warrt dat denn weer ´n beten heller. De Temperaturen klattert op fiefuntwintig bet sövenuntwintig Grod. De Winn weiht ok mol 'n beten duller - ut Südwest bet West. I Stand: 27.05.2017, kl. 9:30

Grootfüer in Wedel

In en Huuskomplex in Wedel, an de Grenz na Hamborg, hett dat güstern so dull brennt, dat de Schaden woll in de Millionen geiht. Twee Füerwehrlüüd sünd licht an´n Lief to Schaden kamen. Dat Löschen hett twölf Stunnen duert. In dat Huus weer en grote Diskothek binnen, twee Firmen, wo du Autos hüern kannst, en Speelhall un en Gasthuus. Woso dat brennt hett, weet wi noch nich. / Stand: 26.05.17 Klock 09:30

Podcast

Norichten op Platt als Podcast

NDR 90,3

Ut Hamborg und de wiede Welt von moondaags bit sünnovends: die aktuellen Nachrichten auf Plattdeutsch. mehr

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag Klock 8.30. mehr

Hör mal 'n beten to: Plattdeutsche Morgenplauderei

Die plattdeutsche Morgenplauderei hören Sie immer montags bis samstags um 13.20 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

28:29 min

Ricky und seine verrückten Freunde

31.05.2017 00:00 Uhr
NDR Fernsehen
111:29 min
01:28 min

Ausstellung: Ein Kieler auf dem Zarenthron

27.05.2017 19:30 Uhr
Schleswig-Holstein Magazin