Norichten op Platt

Ut Hamborg und de wiede Welt von moondaags bit sünnovends Klock 9.30 - die aktuellen Nachrichten auf Plattdeutsch hören Sie von Montag bis Freitag um 9.30 Uhr bei NDR 90,3

Blohm un Voss will Lüüd rutsmieten

Bi de Hamborger Traditschoonswarft Blohm un Voss schüllt bi dreehunnert Jobs streken warrn, dat heet een Drüddel vun all Arbeitsplätzen överhaupt. Dat hett NDR 90,3 rutfunnen. Tokamen Dingsdag wüllt de Baaslüüd vun de Warft ehr Maaten bi en Bedriefversammeln doröver Noricht geven. De Lürssen-Grupp ut Bremen harr Blohm un Voss verleden Harvst opköfft. Gröttere Opdreeg sünd utbleven betto. Bi söventig Mitarbeiders maakt al Kortarbeit. / Stand: 24.02.14 Klock 09:30

Bi de S-Bahn schall weniger mallören

Bi de Hamborger S-Bahn schall in Tokunft weniger mallören. De root-gröne Senaat is över poor Saken enig worrn; se plaant ünner annern, dat weck Bahnhööv intüünt warrt, dormit keen Minschen mehr in´t Gleisbett kladdert un de Töög lahmleggt. Doröver rut schall dat nege Wieken geven un ok en betere Stroomversorgen. / Stand: 24.02.14 Klock 09:30

Wedder Arger bi de Justiz

Dat gifft wedder Arger bi de Justiz: In Hamborg is en Keerl, de in Sekerungshaft weer, utneiht. De Achtunveertigjöhrige, de all heel veel verbraken hett, is güstern na en Termin bi en Psychotherapeut nich na den Knast in Fuhlsbüddel torüchkamen. En Kaschott-Beamte weer mit em to den Termin mitgahn, man he harr woll vör de Praxis op em töövt, un so kunn de Keerl afhauen. / Stand: 24.02.14 Klock 09:30

ARD-Düütschlandtrend

De SPD liggt to´n eersten Maal siet teihn Johrn in den ARD-Düütschlandtrend vör de Union. Wenn Sünndag Bunnsdag-Wahl weer, wörr de SPD op tweeundörtig Perzent kamen, eenundörtig Perzent wörrn de CDU/CSU wählen. AfD un Linke verleert een Perzentpunkt, und so kümmt de AfD op ölven un de Linke op söven Perzent. / Stand: 24.02.14 Klock 09:30

Halvbroder vun Noordkorea-Baas mit en Nervengift ümbröcht

De Halvbroder vun den Noordkorea-Baas Kim Jong Un is woll mit en Nervengift ümbröcht worrn. De malay´schen Beamten, de dat ünnersöcht, hebbt bi den Doden dat hochgiftige Gas VX funnen. De Keerl is vör ölven Daag in Kuala Lumpur ümbröcht worrn. He harr jümmer wedder sien Halvbroder, den noordkorean´schen Diktater, bekrittelt. / Stand: 24.02.14 Klock 09:30

Elvradweg schall anners warrn

SPD un Gröne wüllt den Radweg an‘´n Elvstrand, mit den ja vele nich inverstahn sünd, doch bugen, man anners, as plaant betto. Dat hebbt se op de Bezirkversammeln in Altna fastleggt. De Oppositschoon is dormit överhaupt nich inverstahn. Rode un Gröne wüllt den Plaan nu man dörchkieken un viellicht noch en annern Weg as direktemang den Strand lang finnen. / Stand: 24.02.14 Klock 09:30

Exakt un kompakt - Dat Wedder för uns in Hamborg

Hüüt Vörmiddag noch veel Wulkenwark mit Snee- un Regenschuer vermengelert, later warrt dat dröger un fründlicher, un de Sünn schuult ok eens dörch. De Temperatur kladdert op maximaal söven Graad. Opstunns hebbt wi noch översichtliche dree Graad in Winterhuud. Dorto de Wind kümmt middeldull bet fix mit enkelte starke Böen ut West bet Noordwest. De Utsichten: Dörchwussen dat Wekenenn, morgen wulkenriek mit Sneeregen dorbi, Sünndag meist dröög, un dat bi acht bet ölven Graad. / Stand: 24.02.14 Klock 09:30

Hamborgs Mieter sett sik to Wehr

Hamborgs Mieter sett sik to Wehr. Liggt doran, dat Vermieter sik nich ümmer an de Mietpriesbrems hoolt. So as de Hamborger Mietervereen seggt, gifft dat totiet fief Prozesse. Hett man annerthalf Johr duurt, dat de eersten Mieter juristisch gegenan gahn sünd. In dree Maand rekent se denn mit dat eerste Uurdeel. Mit de Mietpriesbrems wüllt se verhinnern, dat ne´e Mieten mehr as teihn Prozent över den Mietenspiegel liegt. I Stand: 23.02.2017, kl. 9:30

Podcast

Norichten op Platt als Podcast

NDR 90,3

Ut Hamborg und de wiede Welt von moondaags bit sünnovends: die aktuellen Nachrichten auf Plattdeutsch. mehr

Wi snackt Platt

NDR 90,3

Geschichten von uns Schrievers, Klönsnack mit Buurn, Handwarkers und Seelüüd, Leder von Godewind, Richard Germer und Heidi Kabel - jeden Sünndag un Fierdag Klock 8.30. mehr

Hör mal 'n beten to: Plattdeutsche Morgenplauderei

Die plattdeutsche Morgenplauderei hören Sie immer montags bis samstags um 10.45 Uhr bei NDR 90,3. mehr

De Welt snackt Platt

In de plattdüütsche Welt vun NDR.de hebbt Se alle plattdüütschen Sennungen op een Blick. Hier gifft dat ook Norichten op Platt un een beten wat to de Geschicht vun de plattdüütsche Spraak. mehr

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede Landeswelle des NDR ein plattdeutsches Hörspiel. Sehen Sie hier die Hörspiele und Sendetermine im Überblick. mehr

Mehr Kultur

03:39 min
29:18 min
03:13 min