Wi snackt platt

Fro Bachmann, Plattdüütsch Dag un Gurken

Sonntag, 10. September 2023, 08:30 bis 09:00 Uhr

Peer Marten Scheller ist Chef des Hamburger Quickborn-Verlages und Vorsitzender des Plattdeutschen Rates in Hamburg © Gesche Scheller Foto: Gesche Scheller

An'n 20. April 2024 warrt dat wedder en Plattdüütsch Dag in Hamborg geven. Wi hebbt mit den Vörsitter vun'n Plattdüütschraat Hamborg Peer-Marten Scheller snackt.

Dat Ohnsorg-Theater is wedder torüch ut de Sommerpaus - un dat mit en richtig schöne Kummedie. “Frau Bachmanns kleine Freuden”, so heet dat Stück, dat noch bet to’n föftten November bi Ohnsorgs to sehn is. Wi hebbt uns dat för Jo mal ankeken. Denn gifft dat ok noch Nees vun’n Plattdüütschraat för Hamborg to vertellen: tokamen Johr schall dat an'n 20. April wedder en Plattdüütsch Dag in Hamborg geven. Doröver hebbt wi mit den Vörsitter vun’n Hamborger Plattdüütschraat Peer-Marten Scheller snackt. Lüüd un Institutschonen, de mitmaken wüllt bi'n Plattdüütschdag in Hamborg, de köönt sik bi'n Plattdüütschraat Hamborg mellen. Un denn kiekt wie ok nochmal bi "Pepper" vörbi. De Roboter vun de Uni Lübeck schall in’e tokamen Maanden mit Hölp vun künstliche Intelligenz Plattdüütsch lehren . Vör twee Weken hebbt wi Jo "Pepper" al mal vörstellt. Nu vertellt Lornz Lorenzen, de ok en Internet-Blog över "Pepper" schrieven deit, woans dat mit den lütten Roboter vörangeiht.