Wi snackt platt

De gele SASS - ahn Hein Thies undenkbor.

"Plattdüütsch is Kultur! Un Kultur smitt man nich weg. Ne, man heegt un pleegt ehr." - Dat weer dat Motto vun Hein Thies ut Glinn. He weer de Mann achter dat Wöörbook, den ne'en SASS. Un he weer dat ok, de dat in de 90er Johren tohoop mit de Hölp vun en Barg anner Lüüd trechkregen hett, dat Plattdüütsch in de Europääsche Sprakencharta mit opnahmen worrn is. Verleden Maand - an'n 10. Juli - is Hein Thies in't Öller vun 85 Johr na en lange un swore Krankheit storven. De Plattdüütschen truert üm en Minschen, de sik üm uns plattdüütsche Spraak kümmert hett as meist keen anner. Bi "Wi snackt Platt" kiekt wi noch mal trüch op sien Engagement.

AUDIO: Wi snackt Platt: Vun'n gelen SASS, Schallplatten, Beer un Snacks (30 Min)

Dat Schallplattenmuseum in Noorddörp (Nortorf)

För üm un bi 75 Johr dor füng de Welt mitmal an, sik en lütt beten wat anners to dreihen. So lang is dat her, wo domals bi Columbia Records de eerste LP rutkamen is, de eerste Schallplatt mit 33 1/3 Ümdreihen pro Minuut. Un de is domals denn ok gau to en Verkoopshit worrn - bet dat later denn CDs geven hett un vundaag nu dat so nöömte "Streamen" opkamen is. Man ganz weg ween is de Schallplatt nie so ganz.

Noorden vun Hamborg, baven in Sleswig-Holsteen twüschen Neemünster un Rendsborg - in Noorddörp (Nortorf) - dor gifft dat dat Düütsche Schallplattenmuseum, wo ok de Schallplattenarchiven vun'n NDR ut Kiel un Hamborg henkamen sünd. Gerrit Hoss vertellt bi "Wi snackt Platt" mehr över dat Museum.

Weitere Informationen

Der Schatz im Keller: NDR Schallplattenarchiv zieht um

Auch der NDR ist längst im digitalen Zeitalter angekommen. Deshalb zieht das Schallarchiv um ins Deutsche Schallplattenmuseum. mehr

Bavento gifft dat Sünndag denn ok noch veel wat över Beer to weten. Benita Brunnert hett mit Arne Christiansen snackt. He is Plattsnacker un beedt an'n 30. August in'n Lichtwarksaal vun'e Carl-Toepfer-Stiften en Beerverkosten op Platt an. Dat allens - un noch 'n beten wat mehr - dat gifft dat bi "Wi snackt Platt" an'n Sünndag, 6. August to hören - morgens halvig negen bi NDR 90,3.

De Leder in uns Sennen:

Iko Andrae - Mank all mien Drööm
Otto Groote Ensemble - Min Jehann
Yared und die Schlickrutscher - Klei mi an Mors
Charmonia - Help
Knipp Gumbo - Marie Marie

Moderatschoon: Jürgen Fitschen

Weitere Informationen

Wi snackt Platt bei NDR 90,3

"Wi snackt Platt" bringt de heemliche Mudderspraak vun uns Noorddüütschen ok in't Radio un in'n Podcast to'n Klingen. mehr

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

31 Min

Wi snackt Platt: Vun Football un Autos

Uns Themen dütmal: Dat legendäre Tor vun Wembley, Ü70-Football un dat eerste Auto. 31 Min