Wi snackt platt
Sonntag, 21. Mai 2023, 08:30 bis
09:00 Uhr
„In uns Geschichten bewohrt wi dat Leven op“ - dat hett Reimer Bull mal seggt. Man uns Leven is ja as’n Straat, de wi nich kennt: mal en Landstraat, mal en Achterbahn un mal en Eenbahnstraat. Bi "Wi snackt Platt" höört Ji dütmal veer Geschichten, de op jümehr Wies vun´t Leven vertellt - schreven un vördragen vun Ina Müller, Reimer Bull, Irmgard Harder un Wolfgang Sieg.
Ina Müller un de "Mannslüüd"
Ina Müller is nicht blots en Sängersche, de Ji woll all kennt, se is ok en Schrieversche vun plattdüütsche Geschichten. Vele Johrn weer se ok en vun uns Autoren bi "Hör mal´n beten to". Bi "Wi snackt Platt" vertellt se de Geschicht vun de "Mannslüüd".
"Snorken" mit Wolfgang Sieg
As Wolfgang Sieg 1974 sien Book "Wahnungen" rutbringen dee, weer dat en lütten Schandaal. Satire op Platt, dat harr dat so noch nich geven. Duur nich lang un he höör to de "Hör mal’n beten to"-Schrievers, wat de enen geern düchtig, annern gar nich gefullen hett. Bi "Wi snackt Platt" höört Ji em un sien unvergeten Stimm mit de Geschicht vun´t "Snorken".
"Opa Piel" vun Reimer Bull
Een Stimm, de ji veel un faken bi "Wi snackt Platt" hören doot, dat is de von Reimer Bull. Keen Wunner, denn in sien Geschichten wohrt he, as he sülvst seggt, wohrhaftig en Stück Leven op. En Stück von uns Leven. De Geschicht vun "Opa Piel" is de allereerste Geschicht, de he op Platt schreven hett.
Irmgard Harder ehr "Handtasch"
Irmgard Harder weer de Grande Dame vun de plattdüütsche Literatur un ok vertellen kunn se op dat Allerbeste. Bi "Wi snackt Platt" höört Ji de unvergeten Geschicht vun de "Handtasch an’n Avend".
Moderatschoon: Gerd Spiekermann
De Leder in uns Sennen:
De Wedderbericht - Lars-Luis Linek
Gedeckte Appeltorte - Charly & seine Schreckschuss-Band
Cool bliem - Godewind
Renn nich wech - Norma
Sommerwien - Wattenläufer
Schlagwörter zu diesem Artikel
Plattdeutsch
