Tee hölpt

Gerrit Hoss kauft ein und bleibt vor einem Tee-Regal stehen. Die Vielfalt der Auswahlmöglichkeiten erschlägt ihn.

„Swatt oder Früchte-Tee?“ Dat weer fröher mal de Utwahl.
Lang vördem de erste Hipster ankeem mit Nerd-Brill, Quinoa-Bowl, Rhabarbersaft-Schorle un anner Saaken. Du, Yoga weer domols noch "Gymnastik" nöömt.

Hüüt is ja ok Tee to'n Bispell överall gliecks en Wetenschop. För jedeen Tosstand hesst Du dien egen Büddel:
An'n Morgen erstmal Energie tanken mit grönen Tee: Ingwer/Zitrone un de erste Yoga-Stünn.
Denn geiht dat an'n Schrievdisch. För Inspiration hölpt ümmer en Kombination mit Fenchel. Tee-Büddel in't Water un söven Minuten later doot sik för dien Geist nee'e Welten op un Du löst jedeen Problem.
Un wenn nich - Makt nix - Dor gifft dat ok den richtigen Teebüddel för: Lavendel, Passionsbloom oder Wittdorn - Goot gegen Stress.
Hör jümmers blots deep in dien Geist. Villicht büst Du ja ok melanklöterig.
Johanniskruut mit Vanille oder Zimt un de Dag is wedder dien Fründ.

So, wenn Du nu allens op de Reeg is, Geist un Körper perfekt utpennelt sünd un Du to di sülvst funnen hesst, denn hesst Du endlich mal Tiet en anstännig Ostfreesentee to drinken. Woför oder wogegen is doch schietegal. De geiht ok ahn Yoga.

Ik meen, wenn Du blots noch op dien inner Stimm hören deist.
Du, ik meen: So veel Tee kannst Du ja gor nich drinken. Dor büst Du ja blots noch an'n Rennen.
Man ok dor gifft dat sachs den richtigen Tee-Büddel gegen.

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch