Kolumne: Hör mal 'n beten to "Mien Tohuus"
Carina Dawert liebt ihre Heimatsprache Plattdeutsch und fasst das Gefühl, das die Sprache in ihr auslöst, in Worte.
"Mien Tohuus"
Ik bün an veele Orte reiist op düsse Eer
Man kaam ik törüch föhl ik jeed Mal wedder
Mit en "Moin" op de Lippen
dat mehr seggt as dusend Wöör
dat ik nip un nau to di töhöör.
Du büst en Spraak, nich blots en Dialekt
Du büst mien Geföhl vun Freeheit un Gliekberechtigung
Denn för di gifft dat keen links un ok keen rechts
Du büst eenfach blots graadut.
Du büst de Norden op mien Kompassnadel
Du treckst mi an
Du büst düsse en Saak
De ik nienich laten kann.
För mi büst du dat Fischbrötchen mit ohn Fisch.
Dat Mettbrötchen ünner all de Spraken. Mmh lecker.
De Wind bi 28 Grad in'n Haven.
En Levensgeföhl för de Lütten un de Groten.
För jümmers warrst du in mien Hart wohnen.
Vun de Möwen an den Ostseestrand
bit na de Wellen hen in Westerland
Vör und op un achter'n Diek
Du maakst eenfach keen Ünnerscheed
För di sünd all Minschen gliek.
Du kannst veel mehr as
nich lang snacken Kopp in'n Nacken, wat schasst maken, schittst in't Bett, schittst op Laken, wat de Buer nich kennt dat freet he nich, n beten scheev hett Gott leev, mehr as Ackersnacker, Snutenpulli, Tüdelkraam, Tüdelbüdel, un Wat mutt, dat mutt.
Dank di snackt wi norddüütsch. Wi all tohoop.
Du giffst mien Geföhl vun Heimat en Stimm.
Du giffst mi jümmers de richtigen Wöör,
büst veel fründlicher as düsse Hochdüütschen in mien Ohr
Seggst mi wo ik herkam un wokeen ik bün.
Denn du, du büst mehr as en Spraak, du büst en Geföhl.
Ganz deep in mi binnen giffst du mi Identität un Sinn.
Du geihst mi wat an, Du büst in mien Hart.
Du büst mien Tohuus. Du büst mien Heimat.
Zum Podcast-Angebot der plattdeutschen Sendereihe "Hör mal 'n beten to"
Die plattdeutsche Morgenplauderei "Hör mal 'n beten to" gehört seit mehr als 60 Jahren zum Alltag in Norddeutschland. Hier werden die Wunderlichkeiten des Alltags betrachtet. So klingt es, wenn wir Norddeutschen uns selbst auf die Schippe nehmen - liebevoll bis spöttisch, selten mit dem Finger in schmerzenden Wunden, aber immer an Stellen, an denen wir kitzelig sind. Im Radio: werktags um 10:40 Uhr auf NDR 1 Welle Nord, um 11:50 Uhr auf NDR 1 Niedersachsen und um 13:20 Uhr auf NDR 90,3.
Schlagwörter zu diesem Artikel
Plattdeutsch
