Ein Klingelschild. © NDR/Maren Petersen Foto: Maren Petersen

Pingelschild

Sendung: Hör mal 'n beten to | 06.04.2022 | 10:40 Uhr | von Carina Dawert
2 Min | Verfügbar bis 31.12.2099

Es sind schon viele Kapitel über das Verhältnis zwischen Männern und Frauen geschrieben worden. Carina Dawert hat da auch noch eine Geschichte aus dem Großstadtdschungel parat.

"Kiek Se sik egens Daily Soaps in't Feernsehn an? Fröher dacht ik jümmers: Wat dor allns passeren deiht, dat is doch total överdreven un blots de Kreatschon vun een völlig överdreihten Autorenteam. Tja. Un denn bün ik öller worrn. Mien beste Fründin Anna harr mal en nee'en Keerl ansleppt. De weer wirklich nett un ik mutt togeven, dat ik ok nix ahnt heff. 4 Maanden later keem denn dat böse Opwaken för Anna. Dor keem doch tatsächlich ruut, dat ehr Keerl so blangenbi eenfach en tweetet Leven föhrt hett. Natüürlich mit en anner Fro. Düsse Keerl weer wirklich clever: Jümmers, wenn Anna in sien Wohnung to Besöök weer, seeg dor nix na en anner Fro ut. Dor harr dat keen Indizien dorför geven, dat de Keerl nich alleen wahnt hett. Anna hett sik blots jümmers wunnert, dat dat Pingelschild an de Huusdöör bi jedeen Besöök jümmers n lütt beten anners utseeg. Se harr dat Geföhl hatt, dat de Schrievwies un de Schrievgrött vun de Bookstaven op dat Pingelschild jümmers wedder en beten verännert weer. Un se harr ok jedet Mal dat Geföhl hatt, dat de Inrichtung vun sien Wahnung verstellt weer. Ik see ehr dormols, dat dat allns Tüünkraam is, wieldat sik Poltergeister förwiss nich na Norddüütschland verlopen.

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch

Ein Mikrofon. © NDR Foto: Gitte Alpen

Die "Hör mal'n beten to"-Autoren allmitnanner

Sehen Sie hier die Autorinnen und Autoren unseres täglichen Plattschnacks im Bild. Bildergalerie

Junge Frau flüstert einem Mann etwas ins Ohr. © Fotolia.com Foto: olly

Hör mal 'n beten to

Die plattdeutsche Morgenplauderei als kostenloses Audio-Abo für Ihren PC. mehr