Olet Kartenspeel

Auf dem Dachboden steigt Achim Kussmann ein fast vergessener Geruch aus seiner Kindheit in die Nase und die Erinnerungen an Oma und Opa sind plötzlich wieder da.

"Achim, du rüükst as en olet Kortenspeel." Den Snack heff ik jichenswann mol vun mien Oma an Kopp kreegen, as ik op Ferien bi mien Grootöllern weer. Ik funn den Snack heel lustig, klingt doch veel beter as: "Achim, du stinkst." Heff aver liekers sehn dat ik ünner de Bruus keem. Mit Oma wull ik mi in disse Saak lever nich anleggen. Un bitherto heff ik mi afsluuts keen Gedanken dorüm maakt, woans de Snack wohl herkümmt. Bit ik annerletzt uns Dackböhn oprüümt heff. In en Zigarrnkist ut Blick heff ik dat ole Kortenspeel vun mien Oma wedder funnen. Twee mol 52 Korten, de Ränner afgreppen und un geel infarvt, franzöösches Blatt, de Achtersieden rosa un hellblau mit'n Blöömken Muster op. Ik kunn eenfach nich anners, ik müss dor an rüken. Muffig, en lütt beten na Rook. Un jichenswie - jo, ranzig. Aver dor weer noch wat anners. Ik heff noch mol en Nees vull nahmen. Un op eenmol keem mi all de Biller weer in Kopp, vun de veelen Canasta Speele de ik mit Oma kloppt heff.

Hier gibt es mehr Plattdeutsch:

Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch