Engels

Glauben sie an die Existenz von Engeln? Werner Momsen denkt nach über diese himmlischen Wesen und kommt zu keinem klaren Ergebnis.

"Engels"
Dag ok Momsen hier, de Poop ut’te Minschenwelt. Glövt ji an Engels? Angevlich deit dat jede oder jeder Tweete. Mehr noch as an dat Upstahn vun Jesus. Tendenz stiegend. Wobie, de Engelslüe nich de Engels meent, de de Botschaft vun Gott öberbringt. Ehre Engels hebbt mit Gott nix an’n Hoot.

An Engel to glöven is natürlich eenfacher as an Gott, wiel dat von Gott bloots eenen geven schall, vun Engel aber mehrere. All mit annere Upgabens. De Schutzengel is wohl de, denn de meisten kennt. De gottlosen Engels sünd aber genauso öberirdisch un nich to bewiesen. Trozdem givt dat veele de angevlich mit se schnacken künnt. De irische Mystekerin Lorna Borne süt se sogar. Ohn dat se vörher wat drunken hett. Mit Alkohol schafft dat jo veele. Se süt wie se us Teken gevt. Feddern to'n Bispeel. Schienbor sünd dat nich de Duben, de us ünnere Brück vullkackt, dat sünd de Engel un gevt us achteran as Versöhnung ne Fedder. So mokt man ut een Argernis noch Esoterik!

Een weteret Teken schall eene Geldstück weden. Wenn dorvon een’t up’pe Straten liggt, hebbt de Engels dat dor henleggt. Dor frag ik mi, worüm se de denn nich glieks in de Becher vun de Obdachlosen rinschmieten dot? Dat dö doch veel mehr Sinn moken. Ok de Regenbogen schalle en Engel-Teken weden, wobie, dor dat Urheberrecht nich ganz klor to weden schient, wiel den beansprucht jo ok Gott as Teken vör dat End vun de Sinnflut.

Upfallend is, dat fast all Engels Keerls sünd. Dor ward bi feministischen Esoterikerinnen aber noch Öbertügungsarbeit to leisten weden, bit ok mol Tranengel as Olivia oder von Gabriel to Gabriele wesselte Engel in'n Himmel koomt. Halleluja!

Hier gibt es mehr Plattdeutsch:
Podcast: Die plattdeutsche Morgenplauderei "Hör mal 'n beten to" als als kostenloses Audio-Abo für Ihren PC:
https://www.ndr.de/wellenord/podcast3096.html

Die Welt snackt Platt: Alles rund um das Thema Plattdeutsch:
https://www.ndr.de/plattdeutsch