Nordfriesin Kristin Buchholtz coacht op Platt

De Minschen de to ehr kamt, de bringt vele Frageteken mit un Kristin Buchholtz, will dorbi hölpen Antwurten to finnen. Antwurten op existenzielle Frogen: Bringt mi de Job noch Spoos, schall ik wesseln, wo liggen miene Stärken, wat makt mi villicht sogor krank, wat hölpt mi?

Wenn die Zeiten stürmisch sind, gerade auch im Berufsleben, dann ist es gut jemanden zu haben, der einen in dieser schwierigen Lage berät. So eine Beraterin, zertifiziert durch die Industrie und Handelskammer IHK, ist die Nordfriesin Kristin Buchholz aus Ahrenviöl.

Wi sind to Besöök in ehr Büro in Ahrenviöl: De Ruum is hell un fründli, de Wände sind plastert mit Urkunnen un 'n Diplome. Coachin Kristin Buchholtz steiht an'n Flipchart. Tosamen mit ehre Kundin Hella is se dorbi un klamüüstern ut, woher de Stress kummt un de Druck, wat de junge Fru, Angestellte un Modder tosetten deit.

Hella: "Man makt un makt un makt, und man dreiht sik as een Hamsterrad. Un ik will eenfach lehrn, Mensch wat kann ik anners maken, dormit ik ok mal wedder Tied för mi heff. Ohne en slechtet Geweten to hemm. Management för mi sülvst."

Dat Management för sik sülvst övernehmen, dorbi will Kristin Buchholtz se ünnerstütten. Wichtige is dorbi erstmal, klaar to kriegen, welke un woveele Rullen Hella överhaupt in ehren Alldag spelt un to spelen hett: "Wer is Hella alles? Hella: As allerestes bin ik Modder! Coachin: OK! Denn bin ik Angestellte …, Huusfruu, Gärtnerin, Ehefru bin ik ook, natürli. Un Husmeister bin ik ook. Coachin: OK, bist du ok Dochter? Jo, bin ik ok. Coachin: Kann je mal sien, dat se Plege bruken! Hella: Denn bin ik ok noch Fründin, un bi uns ganz stark Nachbarin, de Rull heff ik ook noch" Coachin: Op Dörp is de Rull noch gut vertreden. Hella: "Jo, op Dörp is de Nachbarin Hölper för alles."

Süster is se ok noch, fallt Hella denn spontan ok noch in. Un wokeen mitellt hett. Dat weern all mal ganz fix 9 verschedene Rullen, wat se Dag för Dag to bewältigen hett. Un je länger se nadenkt, kaamt noch mehr Rullen dorto. Hella: "Dat warrt ganz schön veel! Coachin: Jo, un dat is een vörher gor nich so bewusst, oder? Wenn man jetztmal so kieken deit, wieveel du egentli maken deist. Vielleicht nich jedeen Dag, man över de Dage plus de Arbeitsstunden. Ganz schön veel. Oder? Hella: "Ja, dat is een ganze Masse, wenn mann dat jetzt vör Ogen sehn deit, warrt een dat anners bewusst!"

Kristin Buchholz steiht immer noch an de Flipchart, wo se mit'n dicken Stift Rull för Rull opschriftt, man se will den Schriever noch nich vun't Papeer nehm. Coachin: "Wer fehlt denn noch? Wat worst du seggen wat dor noch nich so opducken deit?" Hella: "- lange Pause - " IK! - Ja, denn fehl ik noch. Coachin: Und at is je egentli de Hauptperson, ohne di wörr dat je allens gor nich möglich sien, oder? Hella: Christine Versteiht mi. Se is ok Modder. Ik föhl mi wohl bi ehr ok wenn wi över de Arbeit snacken. Se is ok en Verwaltungsmensch. Dat is wichtig een to hemm, de weet wovun ik schnacken do. Un dör dat plattdüütsche man makt sik je ok en beten nakelt, dor föhl ik mi in mien Modderspraak wohler. Deswegen bin ik bi Kristin.

Kristin Buchholtz berat enkelte Personen, Gruppen, lütte un grote Firmen. Se is op'n Buunhof groot woorn. Se lehrte Verwaltungsfachwirtin, arbeidt op Standesamt, wart Führungskraft bi een grote Behöörde, heiraat, warrt Modder. Se markt, dat se mehr will - un nu is se dorbi un hölpt Hella dorbi, as se seggt, ehren Stärkenanker to finnen.

Kristin Buchholtz: "Dat goode is, dat dat so individuell is und jede hett je sien egen Geschicht. Vun Modder över Vadder, vun Mann to Frau, vun Angestellte to Führungskraft.. wo een sik mit dat Thema "Ik" ok befaten deit."

Ankercoach.de nöömt Kristin Buchholz ehre lütte - een Fru - Firma in Ahrenviöl un de Titel speelt dorop an, dat se Lüüd en geschützten Haven beeden much, wo de Lüüd sik verhalen un ´n niegen Kurs afsteken köönt.

"Ganz wichtig is för mi, dat Sülvstwertgeföhl to stärken, dat man de egenen Stärken bewusst sieht. Ganz vele Lüüt lopen dörch de Gegen un weten gor nich wat in se steken deit.Un dat haal ik hier mit se ruut. Dat se erhabenen Hauptes rutgahn köönt. Also de Fokus op dat Guude leggen. Wi Menschen neigen je immer dorto.(to seggen) Dat löppt allens slecht, dat kann ik nich. Uni k bin egens dorför do üm to seggen. Mensch du bis so eenzigoordig.

So eenzigordig as ehr Kundin Hella, de na düsse Beratungstünn wedder in ehren Alldag mit de velen verscheden Rullen torüüch kehrt, man nu sülvstbewusster.