Hamborg will de Laag an’n Hööftbahnhoff beter maken. Nu sünd dor Sozjaalruumlöpers in’n Insatz. Elkeen schall jüm ansnacken könen. Un se schüllt oppassen, dat sik de Lüüd an de Regeln holen doot – un dat Dag för Dag vun Klock 6 an’n Morgen bet Klock 10 an’n Avend. Den Opdrag geven hett jüm de Sozjaalbehöörd. Kösten deit dat Projekt för annerthalf Johr goot 750.000 Euro.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten57076.html