De Verfatensschuul sett sik nochmal wat mehr gegen Spionaasch to wehr. Dat Bunnsamt reageert dormit op de Afhöörakschoon vun Russland gegen de Bunnswehr. Dat hett Bunnsbinnenministersch Nancy Faeser seggt un steiht so bi de Funke-Blööd to lesen. Dorna to uurdelen gaht se in de Saak nu technisch as ok personell mehr gegenan. Verleden Freedag hett Russland en Konferenz vun hoge düütsche Luftwopenoffzeren an’t Licht bröcht hatt, de se mitsneden harrn. Dor is över möögliche Szenarien för en Insatz vun Taurus-Marschfloogkörpers in’e Ukrain snackt worrn.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten57004.html