Wahnungen warrt in Hamborg nödig bruukt, aver ümmer weniger boot. De free betahlte Wahnungsbo weer meist ganz un gor tohoopbroken, heet dat vun den Verband vun’e mittelstännischen Wahnungsweertschop BFW Noord. De Ünnernehmen, de dor Liddmaat sünd, de hebbt verleden Johr anfungen, 770 Wahnungen to boen. Dat sünd goot 85 Perzent weniger as noch dat Johr tovör. Un dat liggt ok mit an den Papeerkraam un de Bo-Vörschriften, de totiets vele Investoren verjagen doot.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten56972.html