Düsse Week: Winternootprogramm passt sik de Temperaturen an
Dat Winternootprogramm in Hamborg hett bi Minusgraden länger apen. Normalerwies mööt Lüüd ahn Dack över’n Kopp dagsöver ut‘e Quarteren rut. Fallt de Temperaturen op minus fief Graad, denn köönt se blieven. Ok wenn dat blots lichten Fröst geven deit, denn hebbt de Steden Friesenstraat un Halskestraat ok al veer Stünnen lang wat länger apen. Dat is in’e letzten Daag ok al de Fall ween. Dat sä dat Soziaalünnernehmen "Fördern & Wohnen", dat de beiden Quarteren vun’e Stadt ut bedrieven deit. Wenn een beide Steden tohoopnimmt kummt een op 700 Plätz to’t Slapen.
// Düsse Week - Der Wochenrückblick auf Platt
Schlagwörter zu diesem Artikel
Plattdeutsch
