Bunnskanzler Olaf Scholz hett in New York wohrschoet, dat man sik bi'n Krieg in de Ukraine nich op Utweeg inlaten schull, de gor keen reellen Utweeg sünd. Freden ohn Freeheit: Dat weer Ünnerdrücken un dat müss man ok in Moskau verstahn, sä Scholz bi de UN-Generaldebatt. Ok de ukrainsche Präsident Wolodymyr Selenskyj is in New York mit dorbi ween. He rööp de UN-Staaten op, se schullen Russlands Krieg gegen sien Land stoppen. Vundaag mach dat ween, dat Selenskyj un de russisch Minister för't Verdeffenderen, Sergei Lawrow, tosamen bi't UN-Drapen sünd.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten55196.html