De Moordkommischoon geiht gegen en 32-jöhrige Fro ut Billsteed vör. Se schall al verleden Freedag versöcht hebben, ehren Levenspartner mit en Mess doottomaken. De 37-Jöhrige is licht an’t Lief to Schaden kamen. De Fro sitt opstünns in Ünnersökenshaft. De Moordkommischoon geiht al siet Mai in en anner Fall gegen de Fro vör: Se schall ehr dree Weken ole Kind dootmaakt hebben. De Fro gellt as psychisch krank un weer freekamen, wieldat en Gootachter meen, se weer nich gefährlich.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten54874.html