Bunnspräsident Frank-Walter Steinmeier, de maakt sik Sorgen, wiel de AfD bi Ümfragen so hoge Werte hett. In’t Sommerinterview bi’t ZDF hett he vör Protestwahlen wohrschaut. Bi’n ARD-Düütschlandtrend wöör de AfD nu 20 Perzent kriegen un noch vör de SPD liggen. Wi köönt keen Konjunktur vun Bangmakers bruken, sünnern Lüüd de Problemen lösen köönt – so seggt Steinmeier. De Partei wöör to de - so as he dat seggt - „Verrohung“ bidregen un jeedeen Börger harr bi de Wahl en Verantwoorden.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten54370.html