Den Hamborger Haven geiht ’n beten wat de Puust ut. Maandag düsse Week hett de Havenbedrief HHLA Tahlen för dat verleden Quartaal op’n Disch leggt hatt. Un de Tahlen wiest, wat den Container-Ümslag angahn deit, na ünnen. De eersten dree Maand düt Johr sünd dat - vergleken mit de sülve Tiet verleden Johr - 16 Perzent weniger ween. So as se seggen deen, leeg dat mit an den Krieg vun Russland gegen de Ukrain. Bavento is ok de Hannel mit Fernoost dull wat weniger worrn. De HHLA höört gröttstendeels de Stadt to.
// Düsse Week - Der Wochenrückblick auf Platt

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten53824.html