Dat kunn en Ümswung op den Hamborger Wahnungsmarkt ween: Dat eerste Mal siet Johrteihnten gaht de Priesen för Grundstücken dal. Dat kann een ut den „Immobilienmarktbericht Hamborg“ vun de Stadt rutlesen, de NDR 90,3 al vörliggen hett. En Quadratmeter Boland köst in Wandsbek opstünns 800 Euro, vörher weern dat noch 890 Euro. In Hoorn mutt een nu 440 Euro betahlen, vörher 490. Hüüs sünd goot een Perzent billiger worrn, egen Wahnungen veer Perzent. Man Tinsen un Bokösten sünd liekers noch bannig hooch.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten53654.html