Nipp un nau een Johr is dat nu her, wo Russland dormit anfungen hett, de ganze Ukrain antogriepen. In Hamborg warrt dat to düssen Johrsdag Punkt Klock twölf en Denkminuut geven. De Vereen MenscHHamburg röppt all Hamborgerinnen un Hamborgers dorto op, jümehrn Alldag een Minuut lang to ünnerbreken un in düsse Tiet denn an de Offers vun den Krieg to denken. Ok de Hoochbahn un de Flooghaven wüllt jümehr Drieven in düsse Tiet instellen. NDR 90,3 speelt Klock twölf dat Leed Imagine. De Narichten fangt denn later an.

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten52924.html