Hamborg hoopt düt Johr op sössteihn Millionen Euro, de dör de Kultur- un Tourismustaxe in’e Kass rinspöölt warrt. De mutt jedereen betahlen, de to’t Bispeel in en Hotel in’e Stadt övernachten deit. So as güstern - Freedag düsse Week - künnig maakt worrn is, schüllt bummelig dree Millionen Euro dorvun för Festivals utgeven warrn. De Museen schüllt twee Komma söss Millionen Euro dorvun kriegen. De Stadt will dat Geld ok denn verdelen, wenn wegen de Corona-Süük nich ganz so veel Touristen to Besöök kamen doot as dacht. Man dat Geld kummt denn ut den Etat vun’e Staatskass.
// Düsse Week - Der Wochenrückblick auf Platt - 08.01.2022, Kl. 9:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten48378.html