In Hamborg warrt dat ok över Ostern un de tokamen Week woll dorbi blieven, dat Kuntakte twischen de Minschen verbaden sünd. Eerst, wenn de Stadt noog Utrüsten för’t Beatmen hett, kunn dat sien, dat vun dat Verboot beten wat nalaten warrt, seggt de Eerst Börgermester Peter Tschentscher. Man op de Utrüsten töövt een noch. De Börgermester seggt, dat dat bi dat medizinsche Materiaal to’n Deel nich sünnerlich good utsüht, Düütschland is op Corona nich good instellt west. Togliek seggt Tschentscher, dat is seeker, dat Hamborg allens tohoopnahmen good över de Runnen kamen warrt. / Stand: 08.04.20 Klock 09:30

Dieser Artikel wurde ausgedruckt unter der Adresse: https://www.ndr.de/kultur/norddeutsche_sprache/plattdeutsch/-,norichten42216.html