Wi snackt platt

Theater, Book un Havencity

Sonntag, 20. Oktober 2019, 08:30 bis 09:00 Uhr

Een Hart un een Seel sünd se. Oder doch nich? Dener Hannes, speelt vun Thorsten Junge un de dree Süstern (vun links): Clementine (Samira Müller), Charlotte (Anna Lorenzen) un Cäcilie (Monika Stellmach) in "Fisch för veer" bi de Volksspeelbühn Rissen.

Moord un Dootslag, dorto en Pries Humor - dat is en Rezept, wat bi’t Publikum jümmer goot ankümmt. Ok dat ne’e Stück vun de Volksspeelbühn Rissen is na düsse Maneer strickt. „Fisch för veer“ höört al siet poor Johrteihnten mit to de erfolgrieksten Kriminaal-Kumedien. Schreven hett dat Stück Wolfgang Kohlhaase, plattmaakt hett dat Ulf-Thomas Lesle. Sünnavend, 26. Oktober, fiert de Volksspeelbühn Rissen mit "Fisch för veer" jümehr Premieer. Bet to´n 3. November speelt se dat Stück. "Wi snackt Platt"-Reporter Bernhard Koch weer bi en Proov dorbi un vertellt Jo, üm wat dat bi "Fisch för veer" geiht. Mehr Infos gifft dat op de Websiet vun de Volksspeelbühn Rissen.

Book vun´t Johr 2019

Bild vergrößern
Welkeen Plattdüütsch Book warrt dat "Book vun´t Johr 2019"?

Eenmal in’t Johr ehrt de Carl-Töpfer-Stiften dat “Plattdüütsch Book vun’t Johr”. En fiefköpfig Jury hett nu tohoopseten un künnig maakt, wokeen düt Johr den Pries un dormit ok tweedusend Euro  kriegen sall. In "Wi snackt Platt" vertellt wi Jo, welkeen Book wunnen hett.

De Plattsnackers vun Eilbeek

Jümmer an’n Dünnersdag in de ungeraden Weken draapt sik de Eilbeker Plattsnackers to’n komodig Kaffedrinken un Plattsnacken in de Bibliothek vun’t Ruckteschell-Heim, Fredensstraat 4. Klock dree geiht dat los. Wi weern bi de Eilbeker Plattsnackers to Besöök.

Op´n Padd in de Havencity

Bild vergrößern
De Havencity vun Hamborg

Op ehr Reis dör all hunnertunveer Stadtdelen vun Hamborg hett Benita Brunnert sik dütmol de Havencity wiesen laten. Vun Klaus Becker. He is in'n Haven groot worrn: al sien Vadder weer Barkassen-Schipper, later hett Klaus Becker sülvst Tallymann lehrt.

Moderatschoon: Benita Brunnert

De Leder in uns Sennen:

Platt ward international - Godwind
De Stävels sünd toon Wannern - Wattenläufer
Störtebeker - De Drangdüwels
Nu speel ik Rock´n Roll - Timmerhorst
Harvst - Liekedeler

Weitere Informationen
10 Bilder

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung956384.html