Wi snackt platt

Ohnsorg-Premieer, Snelsen un Kööksch

Sonntag, 13. Januar 2019, 08:30 bis 09:00 Uhr

Das Ensemble von "De dresseerte Mann" im Ohnsorg-Theater © Ohnsorg-Theater Foto: Oliver Fantitsch

Ohnsorg-Premieer, Snelsen un Kööksch

NDR 90,3 - Wi snackt platt -

"De dresseerte Mann" hett an´n 13. Januar Premieer in't Ohnsorg-Theater, wi sünd op'n Padd in Snelsen un besöökt Kööksch Anja Habermann ut Osdörp bi de Arbeit.

4,5 bei 8 Bewertungen

Mit von 5 Sternen

bewerten

Vielen Dank.

schließen

Sie haben bereits abgestimmt.

schließen

Download
Bild vergrößern
He kann ok singen: Tim Ehlert as Bastian in "De dresseerte Mann"

“De dresseerte Mann”, so heet dat ne'e Stück in't Ohnsorg-Theater, dat an'n Sünndag, 13. Januar 2019, Premieer fiert. Ohnsorg-Schauspelersch Meike Meiners vertellt, worüm dat in dat Stück geiht un ok en lütt Utschnitt ut dat Stück gifft dat bi Wi Snackt Platt to hören. Meike Meiners speelt een vun twee Mudders in de Kummedi, de John Düffel na den Bestseller vun Esther Vilars "Der dressierte Mann" schreven hett. As Schauspeler ok noch mit op de Bühn dorbi sünd Birte Kretschmer, Nadine Rosemann un Tim Ehlert.

Op'n Padd in Snelsen

Bild vergrößern
De "Adventskirche": De Kark vun Snelsen gifft dat siet 1949.

Op uns Reis dör all hunnertveer Stadtdelen vun Hamborg is Benita Brunnert dütmal mit NDR 90,3-Tohörersch und Plattsnackersch Ellen Harmer in Snelsen ünnerwegens. "Snel", dat weer de Naam vun den Mann, de jichtenswo in't dörteihnte Johrhunnert Snelsen as en lütt Dörp gründt hett. Hüüt is de Stadtdeel in'n Noordwesten vun uns Hansestadt allens annere as en Dörp. Aver veele schöne Ecken gifft dat dor jümmers noch!

Plattsnacker bi de Arbeit: Kööksch Anja Habermann

Anja Habermann ut Osdörp arbeidt as Kööksch in en Firmenkantien in Noordersteed. Mehr as fiefhunnert Portschonen an Middageten warrt hier an en normalen Dag utgeven, bi Seminare mit Lüüd vun buten sogar bet dusend Portschonen. Bernhard Koch hett Anja Habermann bi de Arbeit drapen.

In uns Sennen wiest wi hen op:

- "Kuddel un Fiete", Snutenhobel-Speler Lars-Luis Linek un Gitarrspeler Wolfgang Timpe singt, speelt un vertellt en musikalsche Geschicht över de Fründschop. Maandag, 14.1., Klock 19.30, Intritt: 13 Euro, Restaurant "Parlament" ünner't Hamborger Raathuus, Rathausmarkt 1.

- Uns Plattdüütsch Höörspeel "De Fru in'n Daak", Middeweken, 16.1., Klock 21.05, NDR 90,3

- Heinz Tiekötter vertellt Geschichten vun sien Tiet as Tallymann in'n Hamborger Haven, Vereen "Plattdüütsch leevt Neegraben", Middeweken, 16.1., Klock 18:00, AWO Seniorentreff, Neugrabener Markt 7

 

Moderatschoon: Jan Wulf

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung852512.html