Wi snackt platt

Utkiek op dat plattdüütsche 2018

Sonntag, 07. Januar 2018, 08:30 bis 09:00 Uhr

Dat erste Maal "Wi snackt Platt" in 2018 - dor nehmt wi uns Tiet un kiekt op dat plattdüütsche Johr, wat vörut liggt. To Gast in de Sennen is Peer-Marten Scheller, Vörsitter vun’n Plattdüütschen Raat Hamborg. He antert op de Fraag, wat so en Plattdüütschen Raat öberhaupt maakt, un wokeen dor in sitt. Un he snackt öber den Plattdüütschen Dag 2018: Vördrääg, Föhrungen, Konzerte - allens op Platt un verdeelt in de hele Stadt. Ünner de Schirmherrschaft vun Hamborg sien twete Börgermeistersch Katharina Fegebank gifft dat op'n eenuntwintigsten April wedder masse to beleven in de Stadt. "Wi wüllt Plattdüütsch sichtbor maken", so Scheller. Medienpartner bi den plattdüütschen Dag is NDR 90,3. An'n Avend vörher stellt wi mit en "Hamborger Havenkonzert" live den Optakt to'n Plattdüütschen Dag op de Been. Mit dorbi bi de Party in't Imperial-Theater: Annie Heger, Yared Dibaba, Gerrit Hoss un anner plattdüütsche Muskanten.

Twee Rieder, een Peerd - Wat warrt ut dat INS?

Bild vergrößern
Snacken üm dat plattdüütsche 2018: Peer-Marten Scheller un Jan Graf

Ok dat warrt den Plattdüütschen Raat Hamborg wiederhen angahn: De Länner Hamborg, Schleswig-Holsteen, Neddersassen un Bremen hebbt den Geldhahn to’t Enn vun Tweedusendsöbenteihn dichtdreiht. Dat Institut för nedderdüütsche Spraak, kort INS in Bremen, en Anloopsteed för all Lüüd, de sik för uns Spraak interesseren doot, steiht nu ahn tweehunnerteenunsöbentig Euro Stütten in’t Johr dor. Dorför hebbt de Länner en egen Lännerzentrum op’n Weg bröcht. Düt Lännerzentrum schull an'n tweten Januar anfangen mit arbeiden, man en Geschäftsföhrer is nich bekannt, jüstsowenig as en Geschäftssteed oder Internetsiet. De een hett keen Geld mehr, den annern gifft dat blooß op't Popier. "En Bild, öber dat een sik wunnern kann.", seggt Peer-Marten Scheller. He hofft, dat dat INS sien finanzielle Situatschoon hanteert kriggt un in tokamen Tied mit dat Lännerzentrum tohooparbeiden kann.

Musik:

  • Yared Dibaba: Land in Sicht
  • Godewind: Trina, komm mal vör de Döör
  • Annie Heger: An Land
  • Gerrit Hoss: Dat olle Klavier
  • Fabius: De Sünn schient nich för mi alleen

Moderation: Jan Graf

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung728558.html