Wi snackt platt

Beleevnishoff Burmester, Reparatur-Treff un Snee

Sonntag, 09. Januar 2022, 08:30 bis 09:00 Uhr

Plattsnacker Helmut Burmester betreibt in Hamburg-Moorfleet den Erlebnishof Burmester. © Benita Brunnert Foto: Benita Brunnert
Lütte Zegen, lütte Swien un ok Alpakas gifft dat op den Beleefnishoff Burmester, man de Peer liggt Helmut Burmester sünnerlich an't Hart.

Bi "Wi snackt Platt" sünd wi dütmal op'n Padd in Moorfleet un besöökt den Beleevnishoff Burmester, dat geiht in en Repaircafe in Buxthu (Buxtehude), wo een ole Saken, de twei gahn sünd, wedder heelmaken laten kann, dorto stellt wi Jo uns Plattdüütsch Höörspeel "Snee" vör un Irmgard Harder vertellt, woso se Dannenbööm ok noch in'n Januar all to geern mag.

Op'n Padd in Moorfleet: De Beleevnishoff Burmester

Ok in’t ne’e Johr geiht uns Reis dör all eenhunnertunveer Stadtdelen vun Hamborg wieder. Dütmal sünd wi op’n Padd in’e Maschlannen, direktemang an de Dove Elv - un twoors in Moorfleet. Helmut Burmester is dor de Chef vun'n Beleevnishoff Burmester. "Wi snackt Platt"-Reportersche Benita Brunnert hett em drapen un mit em över sien Hoff un sien Stadtdeel snackt.

Jan Kliem un de Reparatur-Treff Buxthu (Buxtehude)

Reparatur eines Wasserkochers © ndr.de Foto: Lena Petersen
Is Joon elektrischen Waterkoker in'n Dutt? Nich wegsmieten! Dat gifft Lüüd, de kriggt dat wedder hen...

“Repareern warrt düür, smiet man weg un kööp Di wat Neets!”. Dat höört en faken, wenn tohuus mal en Elektro-Gerät in’n Dutt geiht un een in'n Laden nafraagt, wat een dat villicht noch wedder heelmaken kann. Man jümmer mehr Lüüd wüllt düsse Wegsmieteree nu nich mehr mitmaken - un so is de Idee vun de Repaircafes opkamen. En Repaircafé, dat is en Oort, wo Lüüd bi en Kaffe un en lütten Snack ole Saken, de tweigahn sünd, wedder heilmaakt. Bernhard Koch hett en Plattsnacker drapen, de in so en Repaircafe arbeiten deit: Jan Kliem vun'n Reparatur-Treff in Buxthu (Buxtehude).

Henwies: Repaircafés oder ok Reparatur-Treffs gifft dat ok in Hamborg. Hier is en Översicht.

"Snee" - en Plattdüütsch Höörspeel vun Heinrich Schmidt-Barrien

Spaziergang im Schnee © dpa Foto: Harro Müller
"Snee" heet uns Plattdüütsch Höörspeel an'n Middewekenavend.

An'n Middewekenavend, d. 12. Januar, ist vunaf Klock fief na negen wedder Plattdüütsch Höörspeel-Tiet bi NDR 90,3. “Snee” heet dat Stück, dat Ji dütmal höört un dat dreiht sik dor üm dat Ehepoor Hannes un Guste. Twischen jüm is nich allens in’e Reeg: al lang hebbt se sik ut´nannerleevt. Blots de vörgeven Afloop vun`n Dag un de Sorg üm jümehr kranke Dochter, de hollt de Ehe noch jichtenswo tosamen. Man denn kümmt düsse ene Dag in`n Winter, de allens ännern deit. Ilka Brüggemann hett för Jo in dat Hörspeel rinlustert un maakt Jo dor en beten Lust op bi "Wi snackt Platt".

Weitere Informationen
Buch mit Kopfhörern im Watt. (Montage) © fotolia.com Foto: Dreadlock, Jenny Sturm

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

 

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1214968.html
NDR 90,3 Livestream

ARD Hitnacht

23:00 - 00:00 Uhr
Live hörenTitelliste