Wi snackt platt

Wi snackt Platt: Scheibner, Querfurt un Hüüs in’t Ole Land

Sonntag, 05. September 2021, 08:30 bis 09:00 Uhr

Kabarettist Hans Scheibner © Petra Milchert-Scheibner
En Mann mit spitze Tung un Schrievfedder: Kabarettist Hans Scheibner hett sien 85. Geboortsdag fiert.

Bi "Wi snackt Platt" gralleert wi dütmal den Satiriker, Ledermaker un Kabarettisten Hans Scheibner to'n 85. Geboortstag. Denn maakt wi ok noch en Utfloog hen in't Ole Land un wi stellt Jo Heinrich Querfurt vör. He is Plattdüütsch-Beopdraagte vun de Gemeen Wenddörp bi Hamborg.

Bei "Wi snackt Platt" gratulieren wir dieses Mal dem Satiriker, Liedermacher und Kabarettisten Hans Scheibner zum 85. Geburtstag. Außerdem machen wir einen Ausflug ins Alte Land, und wir stellen Ihnen Heinrich Querfurt vor. Er ist Plattdeutsch-Beauftragter von der Gemeinde Wentorf bei Hamburg.

Kabarettist Hans Scheibner © dpa Foto: Bodo Marks
AUDIO: Wi snackt Platt: Scheibner, Querfurt un Hüüs in't Ole Land (30 Min)

Hans Scheibner to'n 85ten

In’t Fernsehen un op’e Bühn, dor hett Hans Scheibner de Böversten de Leviten leest un den Alldag op’t Koorn nahmen. Nu is de Satiriker un Kabarettist ut Hamborg 85 Johr oolt worrn. Al in’e School, dor hett Scheibner lütte Stücken schreven un düsse denn sien Klassenkameradens vörspeelt. Un as he denn as Koopmann in’e Lehr güng, dor stünn he denn op’e Bühn vun dat Hamborger „Theater 53“ - ünner annern mit Uwe Friedrichsen tohoop. Op lütte Bühnen, dor maakt Hans Scheibner sik Anfang vun’e 70er Johrn en Naam. Un ok mit dat Ledertexten is he domals fix dorbi: nich blots de Wöör to dat Onkel-Pö-Leed "Hamburg 75" sünd vun em, sünnern ok de Text vun den Schlager "Schmidtchen Schleicher". Beten wat later is he denn ok in`t Fernsehn to beleven: bi de Sennen "Scheibnerweise" oder in sien Reeg "Bruno, die Nervensäge" in't NDR Fernsehn. Bi "Wi snackt Platt" gralleert wi den Jubilaar Hans Scheibner, kiekt torüch op sien Leven, un en plattdüütsche Geschicht vun em gifft dat ok noch to höörn.

VIDEO: Bruno, die Nervensäge (3 Min)

Hüüs-Inschriften, de Geschichten vertellen

Reich verziertes Fachwerkhaus im Alten Land © Tourismusverband Landkreis Stade/ Elbe e.V
In't Ole Land gifft dat vele wunnerschöne Fachwarkhüüs. Besünners interessant: de Inschriften över de Dören.

Wokeen al mal dat Book „Altes Land“ vun Dörte Hansen leest hett, de is dor al op’e eerste Siet över fullen: Över een vun de velen Inschriften, de op Plattdüütsch an de Giebels oder över de Dören vun vele Hüüs dor in dat Ole Land to sehn sünd. „Dit Huus is mien un doch nich mien, de no mi kummt, nennt’t ook noch sien.“  - so weer dat in dat Book vun Dörte Hansen to lesen. Un vun so en plattdüütsche Inschrift an en Huuswand, dor gifft dat vele vun in’t Ole Land. "Wi snackt Platt"-Reporter Gerrit Hoss, de hett sik annerletzt mal op’n Weg maakt un sik verklaren laten, wat dat dormit op sik hett. Mit den Touristen-Föhrer Rolf Dietrich Wahlen weer he in Guderhandviddel, en lütten Oort achter Jork, ünnerwegens.

Heinrich Querfurt - De Plattbeopdraagte för Wenddörp

Heinrich Querfurt ist Plattdeutsch-Beauftragter der Gemeinde Wentorf in Schleswig-Holstein bei Hamburg und hält sein Buch "Fröher weer allens anners" in den Händen. © Heinrich Querfurt Foto: Heinrich Querfurt
De Plattdüütsch-Beopdraagte vun de Gemeen Wenddörp Heinrich Querfurt mit sien ne'et Book "Fröher weer allens anners". Dat Book hett he in'n Egenverlag rutbröcht.

Dat schall ja Lüüd geven, de gor nich weten doot, wat Langewiel is. Een vun jüm is Heinrich Querfurt. He is de Plattdüütsch-Beopdraagte för de Gemeen Wenddörp bi Hamborg. Vele Johrn al kümmert he sik üm uns plattdüütsche Spraak un schrifft ok Böker. Sien ne'est Wark: "Fröher weer allens anners". "Wi snackt Platt"-Reportersche Benita Brunnert hett Heinrich Querfurt in Wenddörp besöcht.

Henwies:
Wokeen sik för Heinrich Querfurt sien Book "Fröher weer allens anners" interesseren deit, de kriggt mehr Infos in'n Bookladen "Bücherwurm" in de Zollstraße 7 in Wenddörp, Tel.: 040/72977620, Email: info@buecherwurm.de.

Plattdüütsche Veranstaltens-Tipps in uns Sennen
WatWokeenWannWo
KunzertDat Otto Groote EnsembleSünndagnameddag, d. 5. September 2021, Klock 2.30 un Klock 4KunstKaat in Volksdörp, Eulenkrugstraße 60-64.
Kunzert"De Deichgranaten" mit Annie Heger un Insina LüschenSünnavendavend, d. 9. September, avends Klock 6 Carl-Toepfer-Stiften in den Lichtwarksaal in de Neanderstraat.

Moderatschoon: Jürgen Fitschen

De Leder in uns Sennen:

  • Trüch na Hamborg - Lars Luis Linek
  • Straat nah Westen - Otto Groote - Ensemble
  • Platt ward international - Godewind
  • Jo! - De Deichgranaten
  • De Wohld weet al Bescheed - Die Landschaft

Weitere Informationen
Die Dampflokomotive "Karoline" der Arbeitsgemeinschaft Geesthachter Eisenbahn eV. © Anne Hartlich Foto: Anne Hartlich

Wi snackt Platt: Museum, Festival, Theater un Kino

Dütmal dreiht sik dat üm de Museums-Iesenbahn Geesthacht, dat Festival op Platt in Elmshoorn un üm de Premieer in't Ohnsorg. mehr

Am 22. August 2021 feiert das Stück "Offline för een Avend" von Sönke Andresen im Ohnsorg-Theater Premiere. © Sinje Hasheider Foto: Sinje Hasheider

Wi snackt Platt: Ohnsorg-Theater, Rieck-Huus un Tüdelband

Wi snackt mit de Schauspelers Beate Kiupel un Markus Gillich över dat ne'e Stück in't Ohnsorg un sünd in't Rieck-Huus to Besöök. mehr

Jan Wulf im Studio von NDR 90,3 © NDR Foto: Marco Peter

Das Team der Plattdeutsch-Redaktion

Ob bei den "Narichten op Platt", bei "Wi snackt Platt" oder "Düsse Week" - unser Plattdeutsch-Team zeigt immer wieder, wie lebendig unsere heimliche Muttersprache auch heute noch ist. Bildergalerie

Buch mit Kopfhörern im Watt. (Montage) © fotolia.com Foto: Dreadlock, Jenny Sturm

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30. mehr

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1185730.html
NDR 90,3 Livestream

Die Songs unseres Lebens

18:00 - 21:00 Uhr
Live hörenTitelliste