Wi snackt platt

Neewark, Physio un Theatervereen Rellingen

Sonntag, 08. August 2021, 08:30 bis 09:00 Uhr

Ein gelber Wattwagen vor dem Leuchtturm der Insel Neuwerk © imago/blickwinkel
De Insel Neewark is jümmers en Reis wert. Siet meist 700 Johr höört dat Eiland as Stadtdeel to Hamborg dorto.

Bi "Wi snackt Platt" sünd wi dütmal op de Hamborger Insel Neewark ünnerwegens, wi stellt Jo de Physiotherapeutin Mirja Hansen ut Hamborg-Rodenboom vör, dat geiht üm den Theatervereen Rellingen, de vunaf den 20. Oktober dat Stück "Wi sünd keen Engels" op´t Programm hett, un wi maakt Lust op dat Plattdüütsche Hörspeel "Keerls", dat Ji Middeweken, den 11. August, bi NDR 90,3 höörn köönt - mit Rolf Becker, Uwe Friedrichsen un Rolf Sander in de Hauptrullen.

"Wi sünd keen Engels" - De Theatervereen Rellingen

Der Theaterverein Rellingen spielt ab dem 20. Oktober das Stück "Wi sünd keen Engels". © Bernhard Koch Foto: Bernhard Koch
De Theatervereen Rellingen speelt vunaf den 20. Oktober „Wi sünd keen Engels“ - mit en Giftslang in en Korv un dree swore Jungs (vun links): Andreas Rode, Dirk Schaller un Lothar Berg

Verleden Johr hett in’n Stadtdeel Eidelstedt de Theatervereen „die rampe“ för jümmers den Vörhang dichtmaakt. Dor kannst vun Glück snacken, dat de Plattdüütschen in’n Hamborger Noordwesten an’n Stadtrand noch en ganze Reeg vun anner Amateurbühnen hebbt, wo se hengahn köönt. Een vun jüm is de Theatervereen Rellingen. "Wi sünd keen Engels" heet de Gangsterkummedie, de vunaf den 20. Oktober in de Caspar-Voght-School in Rellingen-Egenbüttel to sehn sien schall. "Wi snackt Platt"-Reporter hett bi de Lüüd vun´n Theatervereen Rellingen mal vörbikeken.

Op´n Padd op Neewark

Leuchtturm auf der Insel Neuwerk © dpa Themendienst Foto: Andreas Heimann
Der Leuchtturm auf der Insel Neuwerk ist der älteste Leuchtturm Deutschlands.

104 Stadtdelen hett uns Stadt - un uns Reportersche Benita Brunnert, de will se all kennenlehrn un dor Plattsnackers drapen. In achttig Stadtdelen is se al op'n Padd ween, nu geiht dat in den eenunachtigsten: un de liggt 120 Kilometers weg vun uns Stadt un is en Insel in de Noordsee in de Neegte vun Cuxhaven. Meist 700 Johr höört Neewark nu as Stadtdeel to Hamborg dorto. Un dat is ok hüüt noch gar nich so licht, dorhen to kamen: Mit´n Schipp kannst fahren - oder mit´n Peerwagen. Oder Du kannst wannern. Dör dat Watt!  So as dat uns Reportersche Benita Brunnert maakt hett...

Henwies: Wenn Ji jo ok mal Lust hebbt, Benita Brunnter Joon Stadtdeel to wiesen, denn freit wi uns över en E-Mail an 903platt@ndr.de!

 

Physiotherapie op Platt an´n Rodenboom

Physiotherapeutin Mirja Hansen behandelt Telse Friederichs. © NDR Foto: Gerrit Hoss
Physiotherapeutin Mirja Hansen bi de Arbeidt.

Wenn dat Been oder de Rüch nich so mitspeelt un bannig weh deit, denn is dat faken en gode Idee nich dor op to töven, dat dat vun alleen wedder in´e Reeg kümmt, sünnern na'n Physiotherapeuten hen to gahn. Mirja Hansen is Physiotherapeutin, snackt Platt un arbeidt in en Praxis in Hamborg-Rodenboom. “Wi snackt Platt”-Reporter Gerrit Hoss  hett se besöcht.

"Keerls" - Plattdüütsch Hörspeel mit Uwe Friedrichsen

Schauspieler Uwe Friedrichsen, 2006. © Sven Simon Foto: Sven Simon
"Keerls": en Plattdüütsch Höörspeel vun Frank Grupe mit Starbesetten. Blangen Rolf Becker un Rolf Nagel is Oo Uwe Friedrichsen as Spreker mit dorbi.

Dree Keerls ahn Froonslüüd op Reisen, dorto dat een oder anner Beer un allens wat Mannslüüd so snackt, wenn se ünner sik sünd - at is de Stoff, ut den uns Nedderdüütsch Hörspeel maakt is. „Keerls“ so heet dat Stück, dat Ji an'n Middewekenavend, den ölvten August, vunaf Klock fief na negen bi NDR 90,3 höörn köönt. As Spreker mit dorbi spnd dree wunnerbare un unvergeten Schauspelers: Rolf Becker, Uwe Friedrichsen un Rolf Nagel. Bi "Wi snackt Platt" stellt Jo Ilka Brüggemann dat Stück vör.

Moderatschoon: Jan Wulf

De Leder in uns Sennen:

Born, wo de Wind herkümmt - Charly Beutin
Marie Marie - Knipp Gumbo
Wikinger - Godewind
Op di luert - Farvenspeel
De Wind vun Hamborg - Ina Müller

Weitere Informationen
Buch mit Kopfhörern im Watt. (Montage) © fotolia.com Foto: Dreadlock, Jenny Sturm

Dat Plattdüütsche Hörspeel

Familiengeschichten, Krimis und Erzählungen: Alle zwei Wochen sendet jede NDR Landeswelle ein plattdeutsches Hörspiel. mehr

Menschen sitzen auf einer Aussichtsplattform oberhalb der Hamburger Landungsbrücken © www.mediaserver.hamburg.de Foto: Jörg Modrow

Wi snackt Platt bei NDR 90,3

Reportagen ut de Plattdüütsche Welt, Geschichten, Klöönsnacks un plattdüütsche Musik - jeden Sünndag Klock 8.30 un in'n Podcast. mehr

Schild mit der Aufschrift "Moin" © fotolia Foto: DOC RABE Media

Plattdeutsch bei NDR 90,3

Ob "Wi snackt Platt", "Hör mal´n beten to" oder unsere "Narichten op Platt": hier sind die plattdeutschen Angebote von NDR 90,3 auf einen Blick. mehr

Schlagwörter zu diesem Artikel

Plattdeutsch

NDR Logo
Dieser Artikel wurde ausgedruckt unter der Adresse: https://www.ndr.de/903/epg/Wi-snackt-platt,sendung1175186.html
NDR 90,3 Livestream

ARD Hitnacht

00:00 - 05:00 Uhr
Live hörenTitelliste